Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Тыкэ̄н гуннэ тӯрэ̄лкэ̄н ōдяран: «Ловир-ловир ловирдōн! Э̄һилэ-вэл, гиркиндēл, Э̄мэкэлду эһилэ! Едук эри ӈэ̄лэнэл 760 Э̄вйнмэр-дэ омӈороп. Ниһайданнē, ниһайдēн Делэдыннē, делэйды̄н! Э̄дэ̄ил, эдэил, эмэкэлду, эвйгэ̄т! Ӈйдук-ӈйдук ӈэ̄лэрэс? Дулин буга ббюнин Иһāрдан-дэвэ̄рдэн тэты̄лкэ̄н Дэгилтэр сōӈку Дэвэлчэ̄н, Ема кувулгатитпй бксā, Ема албаһитпй ōксā, 770 Э̄р бугалā эмэмсэк ōдиӈэ̄н гуннэл Э̄һис элэ̄ умйпта? Сōт-сōт эмэксэ̄л, Егин дāрилкāн солкомо ню̄риктэлкэ̄н Солкондāр киливлйвар э̄рйкэлду! Няргул бэю̄н укчакилкāн Сōниӈ Няргӯчāн гунмурӣ Авāһи атамāнин акинмав Сōт-сōт эмувмэлчэкэлду! Нуӈартын āһипты̄н маладаһунтын * 780 Ирйвуксэ этэрэн, Сōт-сōт умйпмалчакалду! Оннбгор ӯгӯ буга Аимӈӯткар аһāткāртын Э̄мэксэ̄л.эдӯ бидерэ. Мит-пэл ōн этэ̄п умунуптэ! Дулин буга букаты̄рин Э̄лэ̄ исты̄ ēкун-кат Албасйа адяс āчин, Сōӈку Дэвэлчэ̄н этэ̄н эмэрэ. 790 Э̄вйгэ̄т, эвӣгэ̄т!» — гуннэ Э̄р урйкйт дбдӯн биһй Авāһилва упкатватын Э̄рйрдэгэ эр авāһил атамāнтын Дегэ Бāбэ, гунмурй. Э̄рэ̄ дōлдыксāл, авāһил, Э̄ргӣт-таргӣт умйвуксāл, Бэгинмэр Няргул сōниӈӈа Дю̄р ӈāладукин элгэнэ Дю̄р авāһи букатырин 800 Тэ̄рйндукин туктывдерэ Эр сэлэмэ дю̄лā. Мит бэеӈит биһэлддэ