Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Эһӣ некэрэ мāтā бидиӈэ̄н. Сот сэрэнкэлду!» — гуниттэн. Тар амардукин гаһаткāр, 710 Укунюрдōн мӯлкэ̄н амуткāндӯвар тыкиксэ̄л, Иларāкāн кōлэһииксэ̄л, Корголдюкāр ōксāл, Амуткāндулӣ колугуркāн тыктэ. Мит бэеӈит тарā ичэрэн-дэ̄ Нуӈан ня̄н били бӯктӯ āчā бэе, Арāһинай албаспа сāрӣ ōксā, Иларāкāн кōлэһииксэ̄, Илан кирйлкāн сэлэкэ̄н ōран-дā һэргискэ̄кй килигирāдяһинан. 720 «Екундулā тыким?» — гуннэ Уйдэ̄нэ ичэнэн биһэлддэ — Нюӈучӣ аты̄р мурин кавкавāн һэргиски дявавчāгачйн һэргискэ̄кй тыкрӣ һоктотын ивит. Тар дōя̄лӣн мит бэеӈит Дюлэ̄скӣвӣ ӈэнэвкэ̄ндердэгэ. Нуӈан биксэ̄ удадиӈāн дō — Дыгин дя̄р дыгин бӯгунай кāртыва Нэ̄вчэ̄гэчӣн эмӈэ урйкйттулэ̄ тыкрэн. 730 Эр тыкиксэ̄, нуӈан Эртыкй-тартыкӣ ичэттэкин Эр дю̄лдук дуруктукитын һэгдыгӯмэтын сэлэмэ дю̄ биһин ивит. Эр дю̄лā эмэксэ̄, Эрэ̄ли гиркуна уркэен ичэттэкин — Дегинӈидэ̄дуккй калгачй, Уһикин туннукичй, Аӣ бэен дю̄дукин Адяс һуӈту ōнӣчӣ ōдан. 740 Тар дю̄ умун муннуклāн Эмэксэ, мит бэеӈит илитчардага. Де эр дю̄ дōдӯн Баран бэе турэнин Дяпкая āчин дблдывуттан. Тар-дā бинэ ōн-дā гунды̄тин Аят эһин дōлдывра. Соӈорйтын-да, инерйтын-да Эһин тадӯ сāвра. «Эр ēкуды̄ тэгэ̄лдулэ̄ 750 Иссā бирдэгим?» — гуннэ Мит бэеӈит дōлчатна илиттар брдага. Эр илитчана дōлдыракин, Арай умун бэе тӯрэ̄нин Нуӈан аран дōлдырйдӯн