Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Нуӈанмāн һэнӈэклӣн ōчā 660 һоктоелй ӈэнэвкэ̄ндердэгэ. Э̄һилэ тар суруксōкōн, Илан тэрэ̄н, һэгдыӈэл Яӈилдулā иһиксā, Чāгӯя̄ мӣкэндӯн Ōкин-кат эчӣн һокоргоро Чӯкалкāн бугалā иһиксā, Илэ мэ̄нин ōксā, ӈэнэвкэ̄ндердэгэ. Эһилэ тар ӈэнэвкэ̄нденэ Аят ичэнэн биһэлддэ — 670 Дыгин кирйлкāн Багдарйн дёло ēдук-кат ая лāйда Дӯннэдӯ бэе ӈэ̄нэгэчйнин бидерэн ивит. Э̄р дёлово ичэксэ̄, Сбӈку Дэвэлчэ̄н аят ичэнэн — Де бэе ōнагачӣнин кулӯһилкэ̄н * ивит. Кулӯстукин дяваран-да Дулйāклāн дэлпэрэгэр тāндяран. Эр дэлпэрэгэр тāниксā, Аят ичэнэн биһэмдэ — 680 Нуӈан орондӯн Сō аял онёл нōмарил бичэ̄л. Тарилба бимӣ Мит бэеӈит Копконо-копконо, Сēптӯвй ды̄нэ-ды̄нэ Комуйдярдага. Тар некэдерэкин ӯгӣт Илан гаһал, дэгнэ эмэксэ̄л, Нуӈанмāн иларā пэрӣһиннэ һариктаксāл, 690 Тыкэ̄н гуннэ тӯрэ̄чйл ōдярдактара: «Кимэ̄-кимэ̄ кимэ̄нин! Нэкун гунды̄ нэкнйлби, Эр-кэ ēкун авāһин, эмэксэ̄, Кāрēн мулāнē-вал онēнилбат Дёромйдяран, гадяран! Тыкӯнē-тэлбэ̄нē! Сōт һӣмāт укунюрдōн мӯлкэ̄н Амуткāӈлāвар тыкмэлчэгэ̄т! Талӣ бугалāвар суптыгāт! 700 Илан сивӣр сикты̄рдӯн Ӈӣ таваргичйн мāтā бичэ̄н биден. Билир арай дулин бугадӯ Иһāрдан-дэвэ̄рдэн тэты̄лкэ̄н Дэгилтэр сōӈку Дэвэлчэ̄н Гунмурй букаты̄р биһин, гуӈнэрэ. Тар бимӣ митпэ ӣлэ̄-дэ̄