Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Тар барāн анӈанй устадӯн Э̄р мб дэлкэн оёдӯн Сунӈэчӣн сōӈкулва этэевчэнэл, Э̄р эдӯ муӈнāдячāтын. Ēма-дā бугадук эмэчэ̄ сōниӈ Минэвэ эчэ̄н ноноро. Оһикталкāн сōӈкуӈин Бӣ бичэ̄в, Тарā биһэмдэ сй, эмэксэ̄, вāлтанды. 620 Сōӈку бна балдынавй гэрбӣдӯн, Бӯкив инӈактавāн иһиксā, Тадӯ илан долбонйлкāн Инэӈидӯ һуклэ̄кэл. Де тар амардукин Илан Сивйрвэ ситэри гиркудиӈāс. Би тэкэнми ай дэгӣн бичэн, Сӣ тэкэнни аӣ бэен биһинды. һэргӯ буга сōниӈилню̄нтын Де гиркумкāкал. 630 Дю̄р һалгалкандӯ дюлэвй экэл бӯрэ. Дялалкāндук экэл судурдэ, Тыӈэлкэ̄ндук экэл тыктэ! Буралия бурасты̄!» — Гундерэн эр дэгй биһэмдэ. Мит бэеӈит дэлкэн Оёлōн һэтэкэнчэрэн-дэ̄ Оксоку бӯкин инӈактадӯн Илан долбонӣлкāн инэӈӣдӯ Аксā, илдан. 640 Эр иликсāкāн, мэ̄ндӯн элэкинди ōвчā Иһāрдан-дэвэ̄рдэн тэты̄н Дурукин нуӈандӯн тыёлчэ̄, ӯлдэдӯн улдэ һāвупчā, Сумудӯн сумун һāвупчā, Ноноптыдуккй дю̄рды̄н эӈэһӣлчэ̄, Тар некэксэ̄, эр мāтā Иһардан-дэвэ̄рдэн тэты̄лкэ̄н Дэгилтэр сōӈку Дэвэлчэ̄н Дюлэвӣ ӈэнэвкэ̄ндердэгэ. 650 Де эр һэргӯ буга Яӈин гуннэ я̄ӈиӈин манавчāлāн Чāгулāн иһиксā, ичэнэн — Син дулин бугагачӣн Ӈэрӣһӣ дӯндэ эмэрэн. Тала иһиксāкāн, Дуюды̄ дундэӈдӯн_ Ӈуӈанман ерчэклин оча, Маӈады̄ дӯндэӈдӯн