Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Мит бэеӈит талā туксана истан-дā Алаӈандя̄вй мӣрэдуккӣ тыкиврэн, Нюӈун кирӣлкāн ню̄рвӣ нэ̄рэн, Чāгӯ сēмāктӯвй тāнйна-тāнӣна Тыкэ̄н гуннэ тӯрэ̄лкэ̄н ōдан: «Гирō-гирō гирōкāнин! Илан дылилкāн оксокундē, 570 Эр бугалā ēкун нāдалкāн ōксэ̄ Элэ̄ эмэксэ, һуклэ̄денды? Ноноптын дорōво бигин, Амаргӯптын улгӯр ōгин! Минэ йргйт тэкэлкэ̄н-сэ̄ксэлкэ̄н Мāтā бданды гунэкис, Дулин буга букаты̄рин Иһāрдан-дэвэ̄рдэн тэты̄лкэ̄н Дэгилтэр сōӈку Дэвэлчэ̄н эмэм. Инэмӈэ̄пты инэӈйдӯ 580 Будэрйӈис инэнйӈис эмэрэн. Би һоктодӯв ēкун синэвэ Минэ мэһэйдэ̄нэ нэ̄чэ̄н? Эһиткэ̄н эделйвй будэ, Кэрēс тӯрэ̄нмӣ тӯрэ̄ткэл!» — Гунэн. Тар тӯрэ̄ндулэ̄н Илан дыличӣ оксокундē Илан дылвӣ илан муһэ̄т угирдерэн. Мит бэеӈит тӯрэ̄чивдерэ-дэ̄ энэ 590 һуругучōнин ӯрэ̄һинэн, Чимиткйчāнин чипчӣһинан, Бэрин игды̄ йгин Дӯндэлэ̄ ниргииһинчэрэн, Няӈнялā ӯһӯтāһинчаран. Илан дыличӣ оксоку илан дылин Илан муһэ̄т һэтэкэнчэрэн. Оксоку тар-дā бинэ Тыкэ̄н гуннэ тӯрэ̄чй ōдан: «Дуӈир-дуӈир! 600 Дулин буга букатырин Иһāрдан-дэвэ̄рдэн тэты̄лкэ̄н Дэгилтэр сōӈку Дэвэлчэ̄н, Аӣ эвэнкӣ букаты̄рин, _ Дулин бугадӯ эмукин соӈку балдыкса, Минэвэ эрэйдук бӣһāнды. һэргӯ буга авāһилин ЙЛтэнды̄ туксугучӣн албаһитпар, Суптырӣ туксугучйн кувулгатытпар Эр бугалā минэвэ эмувнэтын 610 Барāн сō анӈанй ōдан.