Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Эр эмэксэ̄л син умун Дылачā йктэткйн сурувкй ивит. Де тар һоктолй ӈэнэрэкин Эрэгэмэ эмӈэливкӣ ивит чāскй. Эр мāтā биһэмдэ 520 Эр ӈэнэдемнйн умун Лāмдулā истан ивит. Тариӈин биһэмдэ Ēва-дā эвкӣ ичэвкэ̄нэ Тамнаксалкāн ōдан. «Де йлтэнды̄ туксугучӣн албаһилкаһāл Лēһэй * улӯһин буган гукйчитын Де эр эмэрдэгэ», — гунчэнэ-гунчэнэ, «Суптырӣ туксугучйн кулдюмал кувулгатыл Бугатын одярдага», гуннэ 530 Дялдӯвӣ тыкэ̄н сэрэйнэ Ӈэнэдерэн ивит арай. Эр ӈэнэденэ уйдēнэ ичэнэн, Де ēкун-дā гунды̄дӯ коловурйа āчин Нуӈанмāн дэптыкэ̄кӣ һукэлчэденэ эмэдерэн ивит. Сōӈку Дэвэлчэ̄н аят ичэнэн — Нуӈан иланды̄нин һэгдыӈэ ивит, Тар некэксэ̄ амӈавй āӈāчā, Йктэндēлвӣ бэлэкэчэ̄ 540 Нуӈанмāн амӈāһиндāвӣ Эмэдерэн ивит арай. Мит бэеӈит биһэмдэ Илан дāрикталкāн унигдама гидатпӣ Энэ һэгдыӈэт бēскāтчара * Дэ̄птыкй туксана эмэрэн-дэ Гидави олукмадӯн тыкиврэн. Аркандя̄лӣн гидан дугэ̄н Илан ӈāла юһинчэкнэн гидалāран. һокто āнӈидāткйн 550 Āнӈу нюӈйтпӣ эриһинэн, Дюлэвй ӈэнэһинэн. Тара йлтэниксэ̄, Горово-кот сурунувй Энэ сāра, Дагава-кат сурунувӣ Эӈэ сāра һэргӯ буга авāһилтын Билир-билиргидук каравулва нэ̄нэтын Дю̄р я̄ӈ сигдылэ̄дӯн 560 Дыгиндя̄р дыгин һалгалкāн Дэлкэнмэ ōксāл, нэ̄нэтын оёдӯн Илан дыличй оксоку āдеран ивит.