Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Дю̄р сēнмй эртыкй-тартыкй 420 Сэрбэлмӣгдэ ичэһиӈнэрэн, Тар амардукин Бэеды̄т тӯрэ̄чӣ ōдан: « Э̄ӈтэвлэ̄нин-эӈтэвлэ̄нин! Э̄вэнкӣ бэе иччирэ̄нми, Иһāрдан-дэвэ̄рдэн тэты̄лкэ̄н Дэгилтэр соӈку Дэвэлчэ̄н, Бй бэеды̄ тӯрэ̄нмэв Сēндӯвй силдыкал, Иргэлэ̄вӣ иктэвкэл, 430 Дōлāвй дōлдыкал! Умундӯ ӈэнэрӣт этэрӣн эмэрэн, Минӈэчйн орон сōһу Э̄рэгэмэ эһӣн гиркура Э̄рӯл бугалин эмэрэ. Э̄дук дюлэ̄скӣ илэ мэ̄ндивӣ Гиркурйлāвй иһирдагиӈ. Минэвэ эр бугадӯ Ты̄никсэ, эмэ̄нэкис, Оӈковй аямат оӈкоксō, 440 Сй бугаткйвй мучӯрӣдӯс, Ноноптыгачӣн бургуксō бакалдымӣ, Бугалāвар аят иһимчалты. Эр бугава йлтэнмурэкис, Ай бэен сōһувэ̄н девдегдэ̄вэр Курбурйл сōһулкэ̄һэл бидиӈэ̄тын. Мэ̄нмэс-тэ̄ ичэдэвӣ энэ уларитта Илэ мэ̄ндиви гиркуракис, Амӈагдатпар тэвэ̄сты̄л Атамāһал бидиӈэ̄тын. 450 Синдӯ сунāт улгучэ̄ннэн Турэ̄рвэ̄н энэмэ омӈоро Сōӈкуӈилню̄нмй суксамāткал, Атамāһаӈилню̄нмӣ анӈалдыкал! Дюр мэ̄рдуккэр һуечирдэкпут. Бй айв миндӯ бигин, Сӣ аӣс синдӯ бигин! Тыӈэлкэ̄ндук экэл тыктэ, Дялалкāндук экэл судурдэ, Дю̄р һалгалкāндӯ дюлэвӣ экэл бӯрэ!» — 460 Гӯниттэн эр орон биһэмдэ. Тар амардукин мит бэеӈит Иһāрдан-дэвэ̄рдэн тэ̄ты̄лкэ̄н Дэгилтэр сōӈку Дэвэлчэ̄н, Укчактуккӣ тыкйксэ̄, Мэӈун улгэ̄р нёгувāн Нэ̄Мэ̄н оёлōн гарадāран,