Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Э̄дерэгэр тāннаватын Аят сирийнэ ичэнэн: Илан оһикта удягдан Биһин ивит тадӯ. Тарит дюлэвэ̄н ичэнэн: Дылачā йктэткэ̄кйн Дэгилчэ̄ биӈэ̄т нуӈан. Де тарā ичэксэ̄: « Аһāткāр-куӈāкāр сāнал улгучэ̄ндерйлвэ 380 Мэ̄нми урāчā бирдэгим. Тар-дā бичэ̄лйн, нуӈартын Исналāтын исчиӈāв гунчэчим», — Гунэн-дэ эēнэ̄ бираӈӈй Солōкбкй туксадярдага. Э̄р туксаксā-туксаксā, Э̄р бираӈин нāлдын сигдылэ̄дӯн Сйвуктэ-амнӯнна оӈколкōн Аяма бугалā иһиксā, Горо гиркундӯ укчалāри укчакин 390 Мэ̄ндукки мэӈумэ нэ̄мэлкэн, Мэндуккй мэӈун улгэ̄р нёгӯлкāн Мэӈты укчаккй дяваксā, Оёлōн капкāн этэкэнчэрэн, Дылачā йктэткэ̄кйн салайдан. Мэӈты орон бараксан Гиркунмар гиркурдакпут гунчэ̄гэчйн Гирамдан эюмуликсэ̄, һалганин һймāликсā, Дюлэвй ӈэнэвкэ̄ндердэгэ. 400 Дю̄р борбуйдукин коӈнорйн тукала һуиһинчэдемэрэн, Дю̄р нёгӯдукин багдарйн тамнакса һӯвуһинчэдемэрэн. Э̄р бэе биһэмдэ Горово-кот сурунувй эчэ сāра, Дагава-кат сурунувй эчэ сāра. Дэрумкйктэ гуннэ Э̄һй токтōһина бэе ōдан, Ӈэнэвкэ̄нмй-ню̄н ӈэнэвкэ̄ндэрдэгэ. 410 Тар сигдылэ̄дӯн Бугавй манаран бадага, һуӈтул бугал огонйлāтын тāнмуран. Дюгарвāн бимй тыгдэдин сāлдан, Болорвōн бимй бōкталдин сāлдан, Тугэрвэ̄н бимй иманадин сāлдан, Нэлкирвэ̄н бимй лэ̄птэ̄ркэ̄ндин сāлдан. Э̄р ӈэнэдерэкин Мэӈты укчакин илиһинчаран.