Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Эчэ̄лйвӣ аһара Дулин бугавй гиркучим. Аһāткāрва, сунэвэ, тэдēксэ̄, Идук эмэӈэ̄тыл огēӈāлва этэвутчэдиӈэв», — Тыкэ̄н гунэн-дэ̄ Мэӈумэндё киӈлэ̄лбӣ тэттэн, Мэӈумэ панāгавӣ инйһинэн, 330 Алаӈавй чāварӣһинан-да, Ады̄рāкӯн гиранйксā, Лāйдаӈмӣ баргӣлāн истан. Нэкунин, кэӈтырэ̄вэ̄н-ню̄н ичэксэ̄, эмэ̄нмурэн. Де, эр бэе билир билирдук Гиркудякйчин дӯндэӈин бэйӈэ̄н увйликсā, Сӣксэ һактыралдяракин Мэӈумэ панāгавй дя̄н имэннэдӯн Дя̄н бэю̄нмэ уиксэ̄, эмэдердэгэ. Эр эмэдэнэ дю̄вй ичэттэкин 340 Саӈнян-кат, ē-кат āчин: «Āһинды̄н ēдӯ эрдэтэрэн, Нонон эвкй-дэ̄ āһина биӈкин», — Гунчэнэ дю̄лāвӣ эмэксэ̄, Ичэнэн биһэлддэ — Ēкун-дā девгэ̄ ирӣвнэн āчин. Нэкунми ичэнэн бичэ, Нэкунин һарāнин ды̄клэ̄н ӯтэ̄нин умун эркинин Эдерэгэр тāнмучā, 350 Нэкунин йдӯ-кэт āчин. Де эр бэе биһэмдэ Элй-талй туксаран, Эду-таду ичэттэн, Нуӈан-дā бимӣ, Долбо ēкун удявāн ичэдиӈэ̄н, Ёкун-дā удян āчин. Екун эһӣн ичэврэ, эмэксэ̄, Тыкэ̄н мунэ тырэрэн гуннэ Тар долбонйва дуруккāн 360 Энэмэ тэгэмкэ̄нэ туксалйрдага. Тар некэксэ̄кэ̄н комойновй сōдӯн: «Умун умукта ӣдӯ эчэ̄н, һучэргэксэ̄, будэ», — гуннэ Дюлэвй ӈэнэвкэ̄ндерэн ивит. Тар-дā бичэ̄лӣн гунчэрэн: «Йлӣ-дā ӈэнэнэвэтын энэ сāра Дюлэ̄кйвӣ туксарйдӯв Эӈэ̄т сатана бирдэгэ». ӯтэ̄ндулэ̄вй мучӯксā, 370 Ӯр нэкунин һарāклāн