Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Де һуркэ̄н-куӈāкāнма баканды бидицэ̄н!» — Гуниттэн. Тарā дōлдыксā, Егин дāрилкāн солкомо ню̄риктэлкэ̄н Солкондор гунмурй 280 Мит бэ̄еӈит нэкунин Акинтыкйвй дюр алтама Гилдыкāнӈачйн ēһалдивӣ ичэтчэнэ Тыкэ̄н гуннэ тӯрэ̄чй-сэ̄һэчй ōдярдага: «Дэгрй-дэгрй дэгрӣмōй! Дулин буга букаты̄рин Иһāрдан-дэвэ̄рдэн тэты̄лкэ̄н Дэгилтэр сōӈку Дэвэлчэ̄н, Акин гунды̄ акинми, Ёкун бксā, тыкӯлинды? 290 Тыкӯлды̄с ēдӯ сōтаран, Сӣ гэрбӣвэс суксатмй Уһōмдок эчэ̄н эмэрэ. Эдēн-Едяксит һунāдин Мэӈункэ̄н киливлй гунмурйвэ Ēкун уһавāн сāксā, Тыкэ̄н ōданды. Митпэ эвэнкӣ тэкэнин ōрйдӯ Соруян аялā иһивдāвй Кувулгатылдӯ эктын кēивра 300 Гуннэ сāвкāндярйлва Тыкӯлды̄с эһин ситана. һэргӯ буга авāһилин Арай тавадук тыкӯлдāтын элэкин. Улōкит эһй тӯрэ̄ттэ, Сй акинми бимӣ, Инэмӈэ̄пты инэӈйдӯ Йлэ̄-кэт экэл суруру. Эһит һунāт улгучэ̄ннэлин Сōниӈилин инэмӈэ̄птывэ 310 Энэл ӣлтэнэ эмэдиӈэ̄тын. Сӣ ӣлэ̄-вэл сурурукис, Бй эмукин дю̄дӯвӣ бидерэкив, Эмэксэ̄л, сй āчиндӯс һулэптэ̄рвэс һӯвдиӈэ̄тын, Колумтарвас уркӯдиӈāтын. Балдыдя̄к бугавй мулāнды̄ бимӣ, Ӣлэ̄-кэт экэл суруру», — Гуниттэн. Мит бэеӈит: «Сӯ ēкунма 320 Садяс, бӣ дюлэдӯв Сāдиӈāтын — эһим гунэ. Тавар-дā ӯгӯ буга һунāтпāн