Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

һэгдыӈэдӯ эһӣ ōлуйда Манды̄, сэмэй һунāт бдан. Де эр биденэл Нуӈартын биһэмдэ Умун сйксэнӣдӯ Депты̄ девгэ̄вэр астāксāл, Девгэ̄вэр депчэ̄л. Аһинды̄тын ōксā, Дурукин нондо сэктэвундӯн, 140 Дурукин сулакӣ һулдалдӯ Дэгилтэр сбӈку Дэвэлчэ̄н, Āһиникса, эрдэ илчā. Нуӈан биһэмдэ, эртыкй-тартыкй мундыллнйн, Тэлгэһэлэ̄вй ю̄ксэ̄, Некэеденэ, уйдэ̄нэ ичэнэн биһэмдэ: Дылача ю̄птугйдин Умутун саӈнякāнӈачӣнин Багдарйн тамнаксакāн Угиски дэгилдэн. 150 Тар дэгилдэн-да Аһӯн-дā эчэ биһи — Багдарйн туксу барāлдан, Коӈнорӣн туксу коюнан, һуларйн туксу һуктырэн, Эдын-эдын иктэлдэн, Ня̄ликин мōва нялбуругар иктэрэн, Бучӯкин мōва буктарагар иктэрэн; Агды̄ бого ниргийдэн, һёрки бого һиркинаран. 160 Тар амардукин Эһйпты коӈнорйн туксу, Мит бэеӈит оёлōн иһиксā, Дулиндудйвӣ дэлпэрэгэр этэкэнэн. Тар амардукин Эр туксудук умун аһДкāн-куӈāкāн, һāкинмӣ дулмāктулāӈ сигйһиниксā, Тыкэ̄н гуннэ тӯрэ̄лкэ̄н-сэһэдкэ̄н ōдячā: «Кимэ-кимэ̄ кимэ̄нин! Дулин буга букаты̄рин, 170 Иһāрдан-дэвэ̄рдэн тэты̄лкэн Дэгилтэр сōӈку Дэвэлчэ̄н, Нономо дорōвоё дявакал, Амаргӯптын улгӯр ōгин! Минэвэ йргӣт тэкэдкэ̄н-сэ̄ксэлкэ̄н Аһāткāн, эмэксэ̄, дорōролкōн-улгӯрилкэ̄н Ōнды гуннэ улгумӣрэкис, ӯгӯ няӈур няӈнядӯ Ōскёчэ̄ Эдён-Ēдяксит энилкэ̄н бичэ̄в,