Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Ирэ̄г дӯндэлдӯ иркин-бэю̄нин Ады̄н-дā эһӣ сāвра барāн, Муданӈа дӯндэлдӯ мундукāн-бэйӈэ̄н Моēкēма һэтэкӯктэдерэн, ӯлгэн дӯндэлдӯ улукӣ-бэйӈэ̄н 40 ӯлугэр барāн буган ōдан. Эргэчӣн ая дӯндэдӯ Дю̄р һалгалкāн, дюлāкин дэрэлкэ̄н, Боско дылилкāн урāӈкай бэе Оскēчэ̄н бидиӈэ̄н гуннэ аямат ичэтмй, Э̄р бугадӯ оскēчэ̄-ты̄вāнчā ивит ӯмун сōӈкума аӣ мāтāткāн Дылдукки һалгамāктӯвй Иһāрдан-дэвэ̄рдэн тэты̄лкэ̄н Дэгилтэр сōӈку Дэвэлчэ̄н гунмурй. 50 Эр бэе, дулин бугадӯ бскēксэ̄, Ёкун аймакилкāн гунмй, ӯмун аһāткāн нэкучй ивит. Нэкунин бимӣ ӈй гунмурй Гэрбӣлкэ̄н ōдан гунмй, Егин дāрикталкāн солкомо ню̄риктэлкэ̄н Солкондōр киливлй гунмурй ōдан. Нуӈартын ēкунди иргивнэл Бидерӣл мāтāл гунмй, Икуктэ бэйӈэ̄т иргиврйл 60 Мāтāл ōда нуӈартын. Иһāрдан-дэвэ̄рдэн тэты̄лкэ̄н Дэгилтэр сōӈку Дэвэлчэ̄н Икуктэ бэйӈэ̄вэ вāрӣ бичэ̄н: Анам-тōкйва Атакӣн һэ̄дӯн туксалдыксā, Атāкӣды̄н-ню̄н дяварй бэе ивит; Иркин бэю̄нмэ Иргин оёгдодӯн туксаксā, Ӣриктэды̄н-ню̄н дяварй бэе ивит; 70 Э̄һэ-бэйӈэ̄вэ, һэриндэн оёгдодун туксаксā, Коӈнорйн комордōскāнди-ню̄н дяварй бэе ивит. Мэ̄нин эвэнкӣ тэкэнин, Мит бэеӈит эргэчйн Китыграс, сумут бэе Ēкунди баянчā гуннэ ичэмй, Нуӈан балдынан буган ӯрэн бимӣ дурукин Орон сōһу ивӇт, 80 Биракāнин дурукин Э̄ӈнэкэ̄н орор ивит, Сēктāгилин дурукин