Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

ИҺĀРДАН-ДЭВЭРДЭН ТЭТЫЛКЭН ДЭГИЛТЭР сōӈку дэвэлчэн 1 Билир-билир илан Сибӣр Мōйкāн сēргачӣнин Сēрилдӯнал ōскёчэ̄л уһу. Дулин буга бимӣ Тэнӣнэды̄кэ̄н тэлгэндечэ̄. Егин дян егин муһэ̄лй Дюрā биракāрбудячā. Коӈнорйн сулакй кою̄ килāнмāн Егин дӯндэлӣ дэлпэрэгэр 10 Дявавчāгачйн урэчӣ ōдячā. Чӯкан бимӣ бкин-да эчӣн кагдарийда. Эр дулин буга Горово-дō бинэвэ̄н, дагава-дā бинэвэ̄н Бӣ эчэв сāра. Екун-да дэгрӣ дэктэндэлкэ̄н, Мурэ̄лӣ дэгиксэ̄, муданмāн эһӣн иста Эллӈэ буга ōдяран ивит. Эр бугава ичэмӣ, Екун-дā энэн тэрэ̄ттэ ая ичэдэчӣ 20 Гудēē-вэл ая дӯндэ. Аһиктаткāн мбн бимӣ Гāкāктагачйн арбаргадячā, Ирэ̄ктэткэ̄н мōн бимӣ Ниргэ̄ктэгэчӣн килунэдечэ, Дягдаткāн мōн бимӣ Кугас улукӣ иргигэчйнин балдыдячā, Сēктан бимӣ сйиһинмуна ю̄дечэ̄, Нӣвэ̄ктэ мōн бимӣ Никтэрбунэ ю̄дечэ̄. 30 Эр дулин буга бараксан Эргэчӣн ōвнавй оёлйвй Барāн бэйӈэ̄чӣ, авдӯчӣ ивит. Антага дӯндэлдӯ анам-бэю̄нин Аксāнин эһӣ сāвра барāн,