Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

«Кимэ̄-кимэ̄ кимэ̄нин! Тыргӯрмачāн дылачāлā айчā Аӣ эвэнкй бэгин аминми Иркимэктэ иркин бэю̄н авдӯлкāн Иркинйчэ̄н сōниӈ, Егин дāрикталкāн Солкомо ню̄риктэлкэ̄н Солкондор киливлй 2580 Тутум солко уһӣлкэ̄н Бэгин мēванмй дōдукин Тыргӯр дылачāлā нюӈничэ̄ Аӣ катун энинми, Увагас сэ̄ксэдук уһӣлкэ̄н Ай тэкэн экинми Ая аһй Ая̄кчāн Ивēкчāн экинми, Сӯ ня̄н бӣ улгурвэв Иргэлэ̄вэр иктэвуксэ̄л, 2590 Сēндӯвар силдыксāл, Сēналāвкӣл ōкалду, Дōдӯвар дōлдыксāл, Дялдāвкӣл ōкалду! Э̄р минэвэ: « „Таварбā аһакāн сāһилкāн, Элэкэс ēһавй ичэһиндерӣ Оһакилкāн һэмулкэ̄н Нилба һунāт * ōн ōдан?“ — Гуннэл экэлду олōлдоро. Бй эр-дэ̄ дёкē бинэ 2600 Надан дя̄н надан анӈанӣпты Бучэ̄вэ ариврйдӯ Ай увагас сэ̄ксэдук ōнӣлкāн, Тынис тэкэн сэксэдук дилгалкāн Аһāткāн биӈнэм. Анал айвӣ илкэ̄йдукин Илӣ-дэ̄ һуӈту һоктово ӈэнэрй Ōнӣв āчин. Билир аи Бэгин эһэкэ̄ндёв, Аӣ Катун эвэкэ̄ндēв 2610 Ӈэ̄рйһӣ нюӈнйрлйтын гиркурйдӯ Гилинтāдярӣ гēкāрбунатын, Гуӈинāр дылгарбунатын, Гурэн гуктэрбунэтын, Гэлэнй элгэӈэ̄рбунэтын, Мōһāнӣ һунӈйрбунатын биӈнэм. Де тарит бимӣ Эр мит дурукит тэкэнты ōна ōскēчэ̄ Дулин энин бугат иччин Сō бэе Сбдāнӣ мāтā