Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Сэ̄ксэтэй увāран, Гирамдатай энюмӯлдэн, Уддэн сāһин нӣврэн, Аламай ēһатай ӈэ̄рӣлдэн. Де эр айткāр бэел биһэмдэ Эмӈэ лāйдаӈӈар оёлйн 2290 Дю̄крэ дарāн гиркудянал Эр иркимэктэ иркин бэю̄н авдӯлкāн Иркинӣчэ̄н гунмурӣ мāтā Тыкэ̄н гуннэ тӯрэ̄лкэ̄н ōчāн уһу: «Угэдē-угэлē угэндэ̄р! Ичэкэл, эр бӣ Дэгрӣ дэктэндэв, Туксарй һалганми, Суптырӣ сōниӈ сумув, Тынис сэ̄ксэдук тэкэлкэ̄н, 2300 Одун сэ̄ксэдук ōнӣлкāн Аналлāк мэ̄нми укчакив, Иркин бэю̄н авдӯв, Итчилэ̄к тӯрэ̄нмэв Иргэлэ̄вй иктэвкэл, Дōлāвӣ дōлдыкал, Сēндӯвй силдыкал! С5т тургэнди эмэмэлчэкэл! Сэмчэ̄ӈӈэр бакам, Дялиӈӈар дялувум, 2310 «Нāдаӈӈар дявам! «,,Эр ӈӣ, эмэксэ̄, Улгӯрилкэ̄н ōнды?“ — гунэкис, Сӣ һунӈйс, дулин буга бōюнин Иркимэктэ иркин бэю̄н авдӯлкāн Иркинйчэ̄н гунмурӣ Ай эвэнкӣ бōюнин ōдам. Нэкун гунды̄ нэкунмй Ая аһй Ая̄кчāн Ивēкчан киливлйва 2320 һэргӯ буга һэрэдукин Эр дулин бугалā туктывум. Сот тургэнди эмэкэл! Сирй бэевэ̄н экэл сирйчивчара, Аян бэевэ̄н экэл алāчивчара! Бугалāвар сōт ӯтāрав! Угэлē-угэлё угэндэ̄р!» — Гуннэ тӯрэ̄ттэн ивит. Де тар амардукин Нимӈāкāн биксэ̄ бидиӈэ̄н дō — 2330 Били гэ̄лнэ̄рй гэрбӣлкэ̄н, Сӯнтāрӣ суракилкāн