Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Угискй туктыдерэн ивит. Нуӈан биксэ̄ ēдӯ тāнмуӈāт Бэеӈку бэе биден — Эр һэргӯ эрӯ эрӣксэлкэ̄н 2240 Огēӈа бӣһин дулин аӣ бугалā Уһа уилкāн удятын һоктон Оһокилкэ̄н-сэ̄ксэлкэн сэлэмэ һоктолйтын Дулин энин бугалāвӣ Пэрӣһин гиркундӯвй Аӣ бэен тыӈилэкин Дӯндэмэвэ энэ сāра Били Бултэрикэ̄н ōксā һукэлчэнэ эвнэвӣ һоктовӣ Ускāкй туктыдерэн ивит. 2250 Нуӈан биксэ̄ удадиӈāн дō — Тар-дāт дяпкун йлкэн-сагалкāн Дулин энин буга оёлōн Уһулу улгӯнчана ю̄ксэ̄, Аят ичэнэн биһэмдэ: Аилиннан анал буган бараксан Едӯ багас аятаран! һэргӯ огēӈā бугадӯн ӈэнэмӣ, Дылачāн гарпатна-һēгӯна, Ēдӯ багас аятаран! 2260 Балдыдя̄к буган мōн-чӯкан Ēдӯ багас гудēйтэрэн Де талā туктыксэ̄, Иларāкāн һунӣлдэһинэн-дэ̄, Иркимэктэ иркин бэю̄н авдӯлкāн Иркинйчэ̄н мэ̄нин мэ̄ндиви ōран-дā ӮР нэкун гунды̄ нэкунмӣ Ая аһӣ Ая̄кчāн Ивēкчāн гунмурй Киливлйва сēптуккӣ гаксā, «Дулин ай бугавй 2270 Дылачāн ӈэ̄рйвэ̄н ичэксэ̄ Урункэл!», — гуниксэ̄, ōкин-дā эчйн һокоргоро Чӯт чӯкалкāн лāйда оёдӯн Иливнан Ая̄кчāн Ивēкчāн киливлй, Ая аһй Ая̄кчāн Ивēкчāн бараксан Аилинна балдынавй Анал дяпкун йлкэ̄н-сагалкāн Э̄гдэн энин бугавй Дэлэй ню̄рбāн ичэксэ̄, 2280 «Дю̄рэ̄ балдычā аявāн Ӈӣ сāнан биден!» — гуннэ Дōскй-тулискй эрйһинэн, Э̄ӈэнймэ эмӈэлдэн,