Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

2140 Сй-дэ̄, бӣ-дэ̄ умун һоктодӯ Сӯгāривчāл сōниӈил ōдап. Тарит сӣ эһит Токтōкол-болгойкол! Тавар огēӈа атамāнмāн Бй-кэнэ сōмканикта *, Оӈкой буксэткэ̄ндин ōнӣканмāн ōкта, Ивгӯнай урэ буксэткэ̄ндин Сигдэндēвэ̄н гивгукта. Сӣ городук гиркудярй бэе 2150 Куһйндук дэрумкӣһикэл. Тыкэ̄н урэ̄тты̄ мāтā, Барāн коӈнорйн нēһэӈин Коӈнорйн тӯр бугадӯ уӈкулбуксэ̄, Кēйми-дā кēйдиӈāс. Дюрсу горулиндалмй *, Барāн албаһилкāн бимй Мэ̄нмэс эллēдиӈэ̄н. Аилāгин дю̄р аӣ бэен Ичэтмэ̄тнэл умун ōгāт — 2160 Бӣ дялив таргачйн. Сӣ дялвӣ сōт тургэнди сāвкāкал. Элэкин гунэкис, Эр-ты эһит устōклō тыкичим. Угэлē-угэлē угэндэ̄р!» — Гуниттэн ивит эр мит бэеӈит. Де тара долдыкса, Чāгӯ мāтā дю̄р ēһан Дю̄р чолбон оһикāктагачйн Угискӣ һутāпты̄һинчаран, 2170 ӯвагас сэ̄ксэн девирбуһиһинчэрэн, ōрдāк сэ̄ксэн блуктӯн һуюлдун, БāрдДк сэ̄ксэн бэ̄лгэлӣн бēлкивран, Уһук сэ̄ксэн урдӯн дялупран, Ниравй сэ̄ксэн нёвандулāн истан. Тыкӯлнавӣ сōдӯн Умун тогор угискӣ ондойдон, Дыгин ӈāла дырамулдан. Дырамдулӣвӣ аран эчэ һитаргара, Нэмкӯндулӣвй аран эчэ этьгргэрэ. 2180 Ӣктэлвӣ кавиринакин ӣктэлдукин Илэ тогол оснӣһинчара. Тыкӯлнавӣ сōдӯн авāһи омолгивāн Оӈоктондёвōн дэ̄птыкӣ кокōскаран. Тариӈин биһэллдэ конӯва дялум Комордōс бого кбнчōкē ōһинчаран, Иһэлэ бого нилбāкē ōһинчаран. Де тар амардукин