Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Авгӯ-дā аһӯндӯн-дД Давдылдырйтын эӈэ̄т сāвра, Мэ̄рвэр эрйксэ̄ндӯвэр һуӈтуву ēва-дā эӈэ̄т сāра Аилāкил ōчāл ивит. Тыкӯлнатын-аварнатын-дā сō бадага, Тар-дā бинэл сōӈдямара ивит. Тарā ичэксэ̄, мит бэеӈит 2100 Иркимэктэ иркин бэю̄н авдӯлкāн Иркинйчэ̄н гунмурӣ мāтā биһэмдэ Сōниӈ сумун нюмурйвран, Э̄ӈэһӣ дялин бōралдан: « Тавар орēӈāва энэ эрйһинмукэнэ Элэвэ̄н ичэчэ̄ бэе», — гунчэрэн. Тар амардукин Куһӣдерӣ бэелвэ дагамаксā, Дагадӯтын тэгэксэ̄, Тыкэ̄н гуннэ тӯрэ̄лкэ̄н ōдячāн: 2110 «Угэлē-угэлē угэндэ̄р! Э̄р-кэ, эр-кэ ичэкэл, Угӯ илан бйстӯн ōскēнй һэгдэгӯ һōлаӈā туксу соногоһилкāн һēркининдя̄ гунмурй мāтā, Ӈӯӈнэ ню̄рдӯс, дялӯра бōмдӯс Дорōво бигин, Амаргӯптын улгӯр ōгин! „Йргйт тэкэлкэ̄н-сэ̄ксэлкэ̄н Мāтā, эмэксэ̄, 2120 Дорōволкōн-улгӯрилкэ̄н ōданды?“ — гунэкис, Э̄ден Еēксит энилкэ̄н бичэ̄в, Аӣ бэгин амилкāн бичэ̄в, Иркимэктэ иркин бэю̄н авдӯлкāн Иркинйчэ̄н гунэрй Аӣ эвэнкӣн ōдам. „Екун сō нāдадӯн Эмэнды?“ — гунэкис, Сō бэе Сōдāнй мāтā акилкāн Ая аһӣ Ая̄кчāн Ивēкчāн киливлӣ 2130 Гунмурй аӣ эвэнкӣ һунāдин Ая һунāтпа Тавар куһйдерй катыкиндя̄с Дыгин кирйлкāн Сэлэмэ Дыгия̄ндя̄ кувулгат, Дёромоксō, эмувнэвэ̄н Э̄р, эмэксэ̄, бакам. Де тар амардукин Мит дю̄крэ дю̄р ай эвэнкӣн Умун улгӯрйэ улгучэ̄мэткэ̄т.