Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Нектэ бэевэ оёлйн һэтэкэнэн, Гугда бэевэ һэрэлйн һукэлчэрэн, Сэлэмэ ампāр дю̄ малӯткйн суптыран. 2000 Сурутур бдяна Де огēӈā норōтын умйвуксāл, Ая аһи Аякчан сивāйбан гуннэл Астāчāл бичэ̄л ивит: Сэлэмэ остōлилва тāниксāл, Аи бэен эһймэн дагамара ӯргэ унӈӯчй остōлилва Девгэ̄тэй-ēтай эрӯ-ургэ унӈӯлкэ̄н Девгэ̄вэ тāнчāл ивит. Ая аһй Ая̄кчāн эрэйдэ̄ктӯ 2010 Ай бэен дылвāн нэ̄чэ̄л ивит. Тара ичэһиннэ̄н Бултэрикэ̄н мāтā Амурикта һалгардивй Девгэ̄мйлтын оёлйтын һэтэкэснэ ӯгӯ бōюнин һōлаӈā соногоһилкāн һēркининдя̄ мāтāя̄ Дыгин кирйлкāн Сэлэмэ Дыгия̄ндя̄ Дюлэлйтын йлтэнэн. Тарā ичэксэ̄, ӯгӯ буга букаты̄рин 2020 һōлаӈā соногоһилкāн һēркининдя̄ гунмурй мāтā Илдан-да сэлэмэ остōлба Кумтэптыкй һэ̄киһинэн. Де тар амардукин «Огēнāл багас сӯ, Таваргачир бинэл Сивāйбалтӯһал биһис гӯ? «Бугй! Тулискй! Юкэл!» — Гунэн-дэ авāһи сōӈӈāн 2030 Оӈоктомодӯн кокōскаран. Сйрэ гарпавчā сатмāр эһэмиēгэчйн Тывйриһиннāя̄ авāһиӈин биһэмдэ, Дулмадӯвй дявачй дягдандя̄гачйн Кариндя̄вй тыпканиксā, Ай бэевэ̄н тыкивты̄ликсōрэн. Де дю̄р сōниӈ Ситандиӈāтын бāра дб — Коӈнорйн улдэ колтолдивар Дэрэ дэрэвэр дэлпэгэмэ̄тнэл, 2040 Ēһа ēһавар энэл одёлдыра Тыкивты̄мэчилдэ ивит. Дю̄дук тулискй ю̄рйвэр устадӯн Дю̄дӯ биһй огēӈāлва Нāнавар āчиӈда,