Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Тадук ōдакин Е-вал кулдюн кувулгат бакаракин, Дйкэй дивилгэт девуксэлдэкин, Минду итчилэ̄к тӯрэ̄нмй уӈиӈнэкэл. Бӣ-дэ̄ ӣдӯ-дэ̄ бимй Этэ̄м эндэйдэ, эмэдиӈэ̄в, Эрйксэвэс эруһуйдиӈэ̄в, Эрэйдукис бӣһāдиӈāв, Авāһиӈӈас āчиӈдиӈāв, 1910 Бāнāдяӈӈас бāлтадиӈāв. Де ēдук-дā аят бинэ Оӈковӣ оӈкокол, Еēксит энинмӣ укукул, Дэлбимэ бургукул, Бакалдыдала бураһāй бигин! Угэлē-угэлē угэндэ̄р!» — Гуниттэн ивит. Де тар амардукин Иркимэктэ иркин бэю̄н авдӯн 1920 Дылви луглйһинэн, Дыгин һалганмй дыгин муһэ̄т Амаскй-дюлэ̄скй согинтӯран-дā Сумут умутōгиндивй муннэ̄гдеһинэн ивит. Де тар амардукин Эр мит бэеӈит Иркимэктэ иркин бэю̄н авдӯлкāн Иркинӣчэ̄н гунмурӣ мāтāткāн, Эр һэргӯ бугалā тыккйт Сэлэмэ һоктотын уркэлэ̄н 1930 Эмэксэ̄, ичэнэн биһэмдэ Дылачāва дэ̄птыкӣ нйврй ӯһикин уркэлкэн ивит. Дегинӈӯ кирӣдукин тāнмурй Сэлэмэ гилдылкāн ивит. Тадук дяваксā, эр бэе тāннан Сōт-l _ эгдыӈэт Тас-тас һокōмдо, Килир-килир иӈнӯрэ, 1940 Уркэ бими нэлэскэ̄н нӣврэн. Тарā ичэнэн: дяпкун муһэ̄дук Лōм сэлэндēлй дōгӣт гоколōвкōннотын Сэлэӈилтын һокōмчōл ивит. Де тар амардукин Эр Иркинйчэ̄н сōниӈ биһэмдэ Сэлэмэ һоктолй һэргискэ̄кӣ тыктэ̄вӣ Уһōрон ӣксэтмӣ-дэ̄ Сōниӈ илэ мэ̄ндивӣ Екур биргутын