Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Э̄һилэ эвэнкй бэен Э̄р-тар албаһин барāн гуӈкитин. Тарит ēкун сāрӣ Албаһилкāн бимӣ Мэ̄нды эмукин суруксб, Сāрйтпй гиркудякал. Э̄мэдэлэ̄с бй Ēексит энӣвэ укуктэ, 1860 Ай аминми оӈковōн оӈкокто. Ōкин нāда ōмӣ Иччилэ̄кмэ тӯрэ̄нмӣ Эдындӯ иктэвкэ̄тнэ уӈдэ̄вӣ. Йдук-дэ̄ минэ э̄рӣрэкис Э̄тэ̄м эндэйдэ, эмэдиӈэ̄в. Э̄ӈтэвлэ̄нин-эӈтэвлэ̄нин!» — Гуниттэн эр иркимэктэ Иркин бэю̄н биһэмдэ. Де тарā эр бэе биһэмдэ 1870 Дӯндэлэ̄ һэтэкэнчэрэн-дэ̄ Мэӈун улгэ̄р негӯвāн Мэӈумэ нэ̄мэн оёлōн гарадāран, Инэӈй дулмаван салайдан. Тар амардукин биһэмдэ Иркимэктэ иркин бэ̄ю̄н авдӯвй Амардукин аһавна ичэтчэнэ Тыкэ̄н гуннэ тӯрэ̄лкэ̄н ōчāн уһу: «ӯгэлē-угэлē угэндэ̄р! Э̄р-кэ, эр-кэ ичэкэл, 1880 Иркимэктэ ирКин бэю̄н авдӯв, Дэгри дэктэндэв, Туксарй һалганми, Сӣ ня̄н бй тӯрэ̄нмэв Сēндӯвй силдыкал, Дōдӯвй дōлдыкал, Иргэлэ̄вӣ иктэвкэл! Э̄р минэвэ „Сōӈку сумут мāтā бинэ Сāма тӯрэ̄нэ энэ гарадāра 1890 Ӈэнэрэн", — гундиӈэ̄с. Э̄р би дюлэв эрӯвэ̄н Мэ̄нды сāнды бидиӈэ̄н. Т'арит ēһалкāн-дэрэлкэ̄н Этэврй-алāтты̄ болдёкко Ōн-дā эрбэ̄н-тарбāн гуннэ Э̄мӯһим бӯрэ Окин суручōӈӈи бакамй, Ӈāладӯвй дявамй Сй гундэгэчйнды эдындӯ 1900 Тӯрэ̄нэ уӈдиӈэ̄в.