Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Сēндӯвй силдыкал! Эр минэвэ Дёһун нимэ̄р һунāдин бинэ Сāма тӯрэ̄нмӣ энэ улгӯрдэ Эмэ̄нмурэн гундиӈэ̄с, Де тарит би дялвй улгӯриктэ. 1620 Тавар сӣ сбма уһа уилкāн Уһа бугалдулā дюлэлэ̄нды. Сōт манды̄вкал, Бэевй бэекэкэл, Сōвӣ сōкакал! Умун эниндук ю̄нэвй Илэ ирэндэтпӣ гиркумӣ Йлэ̄-дэ̄ эһӣс иста бугас бидиӈэ̄н. Емй-кат суптырӣ туксугучйн Кувулгатылкāн бимӣ, 1630 Йлтэнды̄ туксугучйн Албаһилкāн-ню̄н бимӣ, Умун инэӈйпты Дыгин дя̄н дыгин оһол амин Гунмурӣ ōнӣвāн этэӈӈэ ӣлтэндиӈэ̄с. Тадук тавар Иркимэктэ иркин бэю̄н авдӯс Ēкун энчивэ дуруккāн Сāчадарян бидиӈэн. Е-вал сāмава сāмӣ 1640 Эвэды̄ икэ̄лкэ̄н, Бэеды̄ улгӯрилкэ̄н ōдиӈāн. Тарā эӈнэкэл лэ̄гйрэ, Тӯрэ̄нмэ̄н дōлдыӈнакал. Кэ, эдэ гирки, Дю̄р һалгалкāндӯ дюлэвй экэл бӯрэ, Дю̄р ӈāлалкāндӯ экэл давдывда, Мӯ дялалкāндук экэл судурдэ, Гирамда тыӈэлкэ̄ндук экэл тыктэ, Эмэр тӯрэ̄лкэ̄н эгин тэптырэ, 1650 Кирйс тӯрэ̄лкэ̄н эгин кēйда, Алгис тӯрэ̄лкэ̄н аргистаһигин, Уруй икэ̄лкэ̄н илкэ̄игин, Гиркун аяргӯн ōгин! Сэ̄мчэ̄вэ бакакал, Суптычāва бококол, Сукчачāва сӯһаркал, Бāчāва бāкал! Дею̄-дею̄ дею̄кэ̄нин!» — Гуниттэн эр аһӣ биһэлддэ. 1660 Де тар амардукин Иркимэктэ иркин бэю̄н авдӯлкāн