Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Куһйрйню̄н куһӣдиӈэ̄в, Удянавӣ бокондиӈāв, Āһанавй амӈāһиндиӈāв, Устокки уһодиӈэв, 1570 Дялдāнавй дявадиӈāв, Нāлдынавӣ давдыдиӈāв. Кэ, катун гиркив, Си экэл ӈэ̄лэрэ, Синэвэ ӈэ̄рӣн сигӯн Тыргӯр тогон эмукин ичэгин. Суптырй туксу кувулгатын Эгин синэ бакара, Илтэнды̄ туксу албаһин Эгин синэ давдыра. 1580 Будэрӣ инэӈӣ эмэрэкин Итчилэ̄к тӯрэ̄нмй Эдындӯ иктэвкэ̄тнэ уӈдэ̄вй, Ӣду-дэ̄ бимӣ дōлдыдиӈāв! Угэлē-угэлē угэндэ̄р!» — Гуниттэн эр мāтā. Де тар амардукин Эр иркимэктэ иркин бэю̄н авдӯвӣ Дылачā йктэмэвэ̄н салаиксā, Илбэ̄нэн биһэмдэ 1590 Томтор дӯндэвэ тонӈорогор тэвинэн, Оӈкучак дӯндэвэ омчорогор согинан, Ня̄ликин мōва нялбурагар, Бучӯкин мōва буктарагар ӈэнэвкэ̄һинэн. Нуӈан эрӣксэ̄ндӯн энэл тэрэ̄рэ Чāлбāн мōл мэ̄н мэ̄ндуккэр Чāварймнйн эмэ̄нмурэ, Сектал мол сирбагачимнӣн эмэ̄нмурэ. Иркимэктэ иркин бэюн биһэмдэ Ӈэнэрӣн эделйн ӈӯӈнэ̄нэ 1600 Егин дя̄р дāрикталкāн Солкомо ню̄риктэлкэ̄н Солкондōр киливлй Лāйдаӈлāвӣ эвуксэ̄, Эды̄вй амардукин аһавна ичэтчэнэ Тыкэ̄н гуннэ тӯрэ̄лкэ̄н ōдан: «Дею̄-дею̄ дею̄кэ̄нин! Иркимэктэ иркин бэю̄н авдӯлкāн Иркинйчэ̄н гунмурӣ Дулин буга букаты̄рин, 1610 Бэгин гиркив, Бӣ тӯрэ̄нмэв Иргэлэ̄вӣ иктэвкэл, Дōлāвӣ дōлдыкад,