Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Э̄ēнэ бираӈлāвй Ады̄рāкӯн тӯвкэ̄ннэ эвуксэ̄, 1520 Авдӯвй умувран, Лāйдаӈлāви һуктувнэ туктырэн, Лāйдаӈӈй дулиндулāн иһиксā, Укчаккӣ кантаһōкин тāнчана, Э̄ргэчӣн улгӯрилкэ̄н бичэ̄н: «Угэлē-угэлē угэндэ̄р! Э̄р-кэ, эр-кэ ичэкэл, Катун гиркив, Угӯ бэгин амилкāн Угӯ катун энилкэ̄н, 1530 Егин дāрилкāн Солкомо ню̄риктэлкэ̄н Солкондор гунмурӣ Мэӈун гиркив! Бй тӯрэ̄нмэв гэкэндукин дугэ̄мэ̄клэ̄н Дōлāвӣ дōлдыкал, Сēндӯвй силдыкал, Иргэлэвй иктэвкэл! Э̄р минэвэ йлэ̄ тыкэ̄н тэриниксэ̄, Тэвинмукэ̄нинды* гунэкис, 1540 Сōлӣ горолб дялдāксā, дявдиндям: Нэкун гунды̄ нэкунми Ая аһӣ Ая̄кчāн Ивēкчāн киливлй Доӈото удявāн удяна, ӯникин удявāн ēрӯна, һуркэ̄н куӈāкāн ōвнан Ōнӣвāн аһамāтна Гиркунма гиркунāм. Аӣ эвэнкӣ аймакилвāн Мулāнды̄дӯ овчā 1550 Онйлкāн бичэ̄в гуннэ, Нэкун гунды̄ нэкунмӣ Авāһи амӈадукин һуēнӈйдем-мэл гуннэ ӈэнэдем. Ōкин-дā эмэрйвй Сōт эчэв сāра, Тарит гунмй Сōт һӣмāт биһикин Тугурук анӈанйлй, Дулинди гунмй 1560 Дю̄р тугурук анӈанйлй, Ӈонумут гунмй Илан анӈанйлй эмэдиӈэ̄в. Будэрйтпй этэм будэ, Мунды̄тпй этэ̄м мундэ. Бамāтты̄ню̄н бāмāтчиӈāв,