Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

1470 Ичэһиндиӈэ̄ эвгидэ̄лйн Астāксā этэрэн. Дыгин баганалкāн Чāлбāн мō манды̄ӈин Остōлбй матайдьгмадин Урӣксā, девгэ̄лвӣ тэ̄врэн. Дю̄р мэ̄нтын того эһэкэ̄ню̄нмэр Девгэ̄вэр элй-талй депмэндэ̄рэ. Де тар амардукин Сигӯнтын тыкиксэ̄, 1480 Сйксэнй сэрӯнтэрэн *, Барāн оһикāкта аргиһилкāн һактыраһӣ долбонӣӈитын эмэрэн. һарāнмар аят ōксāл, Нондо ая толбочйӈин Сэктэвунмэр ōксāл, Сулаки колōпкаӈидин колбōно ōвчā һулдавар һулдавра, Некэ̄ колōпкаӈидин тарāна ōвчā Тырӯвэр тырӯксэ̄л, 1490 Аямат илан долбонйлкāн Инэӈӣдӯ āксāл, Амйвар бокониксāл, Иланйтын тыманйлā илда. Э̄ēнэ̄ бираӈӈар ирāс мӯдин Дялум ирэндэвэр авуксāл, Анал аӣ девгэ̄вэр дептэ. Де тар амардукин Э̄р Иркимэктэ иркин бэю̄н авдӯлкāн Иркинйчэ̄н сōниӈ биһэмдэ 1500 Гиркундӯ ōвчā тэты̄лвй тэттэн, Куһйндӯ дяварӣ сэвулвӣ тэринэн. Тулискӣ ю̄ксэ̄, Тулгӯ тēргэнмӣ ичэнэн Ōл * ирэ̄ктэӈдӯн Иркимэктэ иркин авдӯн Илан инэӈйлкэ̄н долбонӣдӯ Уйчэчэ̄ ивит тадӯ: Уриткэ̄нин экчэ̄лӣкэ̄н юмчэ̄, Ирэндэн сōгурма дёкчā, 1510 Эӈэнймэ гудēӣлчэ̄. Мэ̄ндуккӣ мэӈумэ нэ̄мэн, Мэӈун улгэ̄р нёгӯн Э̄рэгэмэ бэлэн орон ивит. Э̄р бэе биһэлддэ Иркин бэю̄н авдӯвӣ оёдӯн Коӈнорӣн һорокйткāнӈачӣн Капкāн һэтэкэнчэрэн-дэ̄