Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Чӯт солко чӯкалкāн Энин дӯндэ оёдӯн, Тыргӯр дылачā һэрэдӯн Э̄вӣрӣ дӯндэлэ̄ тыкчэ̄к Сэрибēив * бирдэгэ. Кэ, катун гиркив, Гиркун бэеӈӈэн Э̄кэл сирйчивчара, 1430 Аян бэеӈӈэ̄н Э̄кэл алāчивчара. Ая ӈāлатпй астāксā, Аивут девувуксэ̄, уӈкэл. Угэлē-угэлē угэндэ̄р!» — Гундерэн эр мāтā. Де тар амардукин Угӣт умун томкоды̄н Уһйе āчин һэргӣт умун һирэ̄нӈэчйн 1440 Ситимйэ āчин Солкомо дюкчā дю̄ Уркэн нӣврэн. Егин дāрилкāн Солкомо ню̄риктэлкэ̄н Солкондор киливлй гунмурӣ Аһāткāн, ю̄ксэ̄ Бэгин гиркивй Анал мэ̄нин мэӈумэ тэгэккэ̄н Дагадӯн нэ̄рэн, тэгэвкэ̄нэн. 1450 Тар амардукин Мэ̄нин биһэмдэ, тулискй ю̄ксэ̄, Дыгин нулги пэрйһиктэлкэ̄н Мэӈумэ курēндёвй уркэлэ̄н эмэксэ̄, Умнэ̄-дю̄рэ̄ эӈтэвкэ̄һиннэн, Илан дэткэ̄н дэлэмӣчэ̄н Курēвэ дялум йһинчэрэн. Тар амардукин Э̄р аһӣ биһэмдэ Илан нямā илан дя̄н илан 1460 Актама орондук Аяргӯвāн сйнмаран, Надан дя̄н надан Байтаһун нямйлдук Бастыӈӈатын бāран, Нюӈун дя̄н нюӈун Байтаһун бēдук Бургургӯвэ̄н бакаран, Кур огус мунакаӈӈāн * бāран, Байтаһун инак бастыӈӈāн бāран-дД