Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Оһинӈачйн угискй гарадāвран-дā ӣлэ̄-дэ̄ иснан энэ сāвра Āчин-ню̄н ōдан. Эр огēӈā тар-дāт Кулдюн кувулгатытпй суптыран. «Бэи тадӯ-дā чӯкадӯ-дā Тыкчэ̄к ōнй сāдиӈāн», — Гунчэксэ̄ огēӈā гиралддавāн Элй-талй урэйкэ̄тнэ эвӣрэн, 1240 Дылмия̄вāн тонӈорогор тāнан, Кӣһэ̄н урэдӯ һукэлчэвкэ̄тнэ эвйрэн, Кэӈтырэ̄ндēн коӈнорӣн сэ̄ксэдин Угӯ няӈня коӈнорйн туксу итэгэстӯн Услӣкэ̄тнэ эвирэн. Эвтылэ̄ндēн гирамдадин Дюкчāя иливкāтна эвӣрэн. Нирйндя̄лин гирамдадин Иӈāран итэгэспэ̄н дялувран. Нюӈйн умэкӣн гирамдавāн 1250 Иһэ̄г урэ дяпкадӯн дяяран. Кэндэкэндēн гирамдавāн Кадāр капчакта иӈāн Дяпкадӯн лапкуран. Де тар амардукин Мит бэеӈит биһэмдэ Эр сō бэе Сōдāнӣ мāтāва ичэнэ̄рэн. Тариӈин биһэмдэ Ӣдӯ-дэ̄ улдэкэ̄нэ āчин Гирамдан-ню̄н сулавуксā 1260 Дардāладяран ивит. Де тарā ичэксэ, «Эргэчӣн-дэ̄ бинэ ēкун дю̄гӯдӯн Гэрбӣн гэенчэ̄н, Суракин суручбн!» — Гуннэ дбдӯвй сōмат комойдон. Тар амардукин Нуӈан биһэмдэ Горово эчэ дявавра: Ӯ Р нэкунмй ая аһй 1270Ая̄кчāн Ивēкчāн гунмурӣ Аһāткāн куӈāкāндулā Суруксō, ичэктэ гуннэн биһэмдэ — Нондоксо сэктэвунин-ню̄н, Сулакӣкса һулдан-ню̄н, Некэ̄ксэ тырӯн-ню̄н биһин, Мэ̄нин эрэгэмэ āчин ивит, Нэкунин ды̄гидэ̄лӣн ӯтэ̄нин Калтакаман эдергэчэ̄ ивит.