Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Угэлё-угэлē угэндэ̄р!» — Гуниттэн эр мит бэеӈит Иркимэктэ иркин бэю̄н авдӯлкāн Иркинйчэ̄н гунмурӣ мāтāткāн. Тар амардукин Авāһи омолгин: 1190 «Э̄рэ̄-вэнкн эрэ̄, Э̄р эвэнкӣ омолгимйн Турэ̄нин ēдӯ тыкӯлнāтаран Гуниксэ̄, аӣ бэевэ̄н Ōӈоктодӯн кокōскадāвй, Тариӈӈй урāксā, Дюлэвӣ нуркӯнчадяракин Тармалит доӈото тукалава Егин саһāмāклā чэпэкнэн Аивгэрэгэр гарадāран, 1200 Дыгин ӈāла деечй котокōндивй Кавкавāн чагдырагар тāнан, Нуӈан кэрēс тӯрэ̄нмэ̄н Сōт-тā эчэ этэвдерэ. Авāһи омолгин биһэмдэ Аран амӈандя̄вй Аппак-аппак аӈāӈнāксā, Аракāкāн тӯрэ̄нин ю̄рэн, Э̄рӣксэвӣ ты̄ссэмэ̄тнэ Тыкэ̄н гуннэ тӯрэ̄тчэчэ̄н: 1210 «Киӈир-киӈир киӈирдэ̄нин! Иркимэктэ иркин бэю̄н авдӯлкāн Иркинйчэ̄н гунмурӣ аӣ эвэнкйн, Гэрбӣс гэенӈэ̄тпй-тэ̄ гэенчэ̄ ивит, Суракис суруӈōтпй-дэ̄ суручō ивит. Тэде сōӈку сумут мāтā ōданды, Э̄р гиркундӯ минэ эчэс бэеӈдэ. Тар-дā бичэ̄лйн минэвэ умун кēйнатпӣ Кēйим гуннэ экэл сōкана. Минэвэ иларāкāн кēймӣ, 1220 Кēйим гундэ̄вй. Бāрӣвӣ бāнды-дā, Омолги һутэс лукйлтӯдерэкин, һунāт һутэс киптыилтӯдяракин Синдулэ̄ мучӯдиӈāв. Тадӯ аят ōнйкāрвар ōлдыдиӈāт, Ӈӣ ōдарйн тадӯ сāвдиӈāн. Киӈир-киӈир киӈирдэ̄нин!» — Гунэн-дэ̄ умун ēһавй Умнэ̄ һурумуһинан-дā 1230 Ēһадукин һуларйн тогокōн