Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Ōдан ивит бадага. Аӣргӯ мāтā бимй Улōр улдэн ӣлй-дэ̄ Эчӣн һэркуврэ ивит. 1140 Нуӈан ēдӯ дэрдиӈэ̄н, Авāһива тар-дāт давдыдяран ивит. Авāһиӈин элэксу-дэ̄ ōлчā бадага. Де тар амардукин Мит бэеӈит тыкэ̄н гуннэ Тӯрэ̄лкэ̄н ōдячāн уһу: «Угэлē-угэлē угэндэ̄р! Ичэкэл эри, ичэкэл эри, һэргӯ буга авāһин Дыгин кирйлкāн 1150 Сэлэмэ Девиндэ̄р сōниӈ, Де, сэрэнкэл-сэрбэнкэл! Миндук ēва коргутчанды, Мэ̄ндуккй коргуткал! Сōӈку бэевэ энэ сāвкāна Бāлтаран * гундиӈэс, Сумут бэевэ энэ мэтэврэ Давдыран гунденды. Мэ̄нды тӯрэ̄нды манды̄кāн бинэ Амаргӯт ӣвдиӈэн гуннэ 1160 Уһōм манчатмӣ-дā Сй эчэс сэнēрбурэ. Инэӈи-долбони ӈэнэрэн, Ōкиндалā си сэнэ̄с Ӣрйвэ̄н-ӈӯ, эһӣвэ̄н-ӈӯ этэвдем. Э̄һилэ би элэтпӣ Тыктэлэ̄вй иһим, Элэкинмэ̄н каритпӣ-тыдякӣтпӣ Оёчотмӣ уһбм, Э̄чэс минню̄н урэ̄ттэ. 1170 Мэ̄нды гуннэс тӯрэ̄нды биһин: „Умун кēйчā һулэгин!“ — Гунчэ̄с эчэ бирэ дō? Де, би бдам, давдым, Сй будэнды, мунинды! Аран ая биӈэһйвй Буһйк тэты̄вӣ кушӯкэл, Аран эрйчӣ биӈэһйвй Кэрēс улгӯрвӣ улгӯркэл, Аран сэнэ̄чӣ биӈэһйвй 1180 Колдюга укчаккй э̄рӣкэл, Ӈэ̄рӣһӣ инэӈйӈӈй, Балдыдя̄к бугавӣ Бурасты̄скал! *