Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Умукōмо ēһандя̄н Аят-тā эһӣдин ичэрэ 1090 Итикивна һаватāрӣ Мāтāкāн ōдан. Авāһи сōниӈ нуӈан-дā бимӣ Син давдырӣ бэеӈичй ивит, Тэде эӈэһӣн эһӣн кēйда бэелэ̄ ӣмй Элэкин-дэ̄ бинэ некэдечэ̄ ивит. Тар-дā бинэ мэ̄нин эӈэһйн кēйды̄дӯн Син сōӈаһагачӣн ивит: Тувэснэвй тонӈорогор иктэрэн, Нāвкāннавӣ наптарагар иктэрэн, 1100 Дяванавй чакилдан, Дэ̄пты̄ннэвй дептэн, Ирэ̄ктэлвэ илӯктэрэн, Аһикталва анӯктаран, Мблва монӈӣран, Мугдэкэрвэ мучуттэн, Елдāмтылва иткӯнāттан, Кӯрбэндēлвэ кумнӯттэн, Дёлондёлво дюлкулōттон. Мит бэеӈит биһэмдэ 1110 Иркимэктэ иркин бэю̄н авдӯлкāн Иркинӣчэ̄н гунмурй мāтā Тар устадӯн авāһи оһиктадӯн-дā, Иктэдӯн-дэ̄ улōр улдэвй Эрэгэмэ эчэ һэркуврэ, Колтодӯн-дā эчэ нāвра. Авāһи сōниӈ Илан дявачӣ дягдагачӣн Ургэ уилкэ̄н ӈāландя̄тпӣ ӯгйдин тикиврэкин 1120 Олдōнтыкйн ōттан, һэргӣлӣ һэ̄мкэ̄тнэ иктэрэкин Угӣдэ̄дӯн ōттан. Антыкӣ анāН дайбāракин Дегинӈӣдин эмэксэ̄: дегмиēвэ̄н Кал ōһинчакнан иктэттэн. Дегинтыкӣ дайбāракин, Анӈӣдин дагамаксā, анчандя̄вāн һанӈатпӣ тыпкāлӣттан. Де тарит эр огēӈā-дā бимӣ 1130 Эр-тар кувулгатйа āчин Илэ бодо мэ̄рдивэр Илэ бодо эӈэһйтпэр Кēилдыгāт гуннэ Мэ̄нин йксэ̄ бӯнэвӣ Кэмсинды̄н-дэ̄ инэӈйн