Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Тарā дōлдыракин, Тыкэ̄н гуннэ ивит: «Угэлē-угэлē угэндэ̄р! Эр-кэ, эр-кэ ичэкэл, һэргӯ бута авāһиндя̄н Дыгин кирӣлкāн 950 Сэлэмэ Девиндэ̄р сбниӈ! Ноноптын дорōво бигин, Амаргӯптын улгӯр ōгин! Эр минэвэ йргйт Тэкэлкэ̄н-сэксэлкэ̄н Мāтā ōданды гунэкис, „Эр дулин бугадӯ Екун тэмтэргэн овракин Дулин ай эвэнкйлдӯн Ая, мандьг дурдатын 960 Окал“ , — гуннэ дōмнāнатын бичэ̄в. Эдēн Ēēксит энилкэ̄н бичэ̄в, Аӣ Бэгин амилкāн бичэ̄в, Сō бэе Сōдāнӣ мāтā акилкāн бичэ̄в, Ая аһй Ая̄кчāн Ивēкчан экилкэ̄н бичэ̄в. Иркин бэю̄н укчакилкāн Иркинӣчэ̄н гунмурй Аӣ эвэнкӣ букаты̄рин Илэ мэ̄ндиви эмэм. Ēдā эмэнды гунэкис, 970 Мулāнē-вал умун акинмав Авāһи атамāнин Дыгин кирйлкāн Сэлэмэ Девиндэ̄р Дептэн гуннэдӯтын ӯтāксā, Эӈэнӣ эӈэһйт иркин Бэю̄н авдӯвӣ илбэ̄нэв, Эдӯ биһӣ орон сōһувэ Эрӣксэ̄нин эдынин Эксэрэн эчэ бирэ дō! 980 Де эр, Девиндэ̄р сōниӈ, Дулин аи бōюһалвāн Ōкиптыдук сэнэ̄нэ татыксā, Тавар ēкун уһава ōчā Сō бэе Сōдāнӣ мāтāва Сāтар эрйксэвэ̄н энэ этыттэ Иникинды̄ девунды? Тыкӯнē-тэлбэ̄нē биргэндēв! Тавар ōнас авадӯн эр-ты эһит Ōӈкāптыкӣ гарадāксā, 990 Кэӈтырэ̄ндēс угуктавāн Унякандивӣ урйһиникса, \