Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

850 Суптырйн саӈāриӈин āчин ōдан. Авāһи омолгин амӈандя̄н Аӣ увагас сэ̄ксэдин сивӣран, Оһиктандя̄лин һулāлӣ сэрэ̄врэ. Сāтар эрӣксэвэ̄н энэ этыттэ Иникинды̄ тулгӯ куӈ улдэвэ̄н Илан дя̄н анӈанйдӯ девидийчэ̄ Койгō сэлэмэ ӣктэлдивй Йникин бэевэ йникинды̄ Кэ̄ӈӣктэмэт муӈнāдяран. 860 Мит бэеӈит тэде Кэӈтырэ̄н тыēлдэн, Дялин урумӯлдэн, Мэ̄нин мэнтыкйвӣ Тыкэ̄н гуннэ тӯрэ̄лкэ̄н ōдан: «Гирō-гирō гирōкāнин! Балдыдя̄к энин бугав, Тадук умундӯ ōскёнэв Нэкун гунды̄ нэкунми Ая аһй Аякчāн киливлй, 870 Алаһа дю̄в, того эһэкэ̄в, Ӈэ̄рӣһӣ дылачāв — Дурукиһун дōлдыкалду! Э̄р бй кāрēн-мал мулāнē-вал Ӈэ̄рйһй эрйксэв этыргэрӣгдэн бдан! Соӈомō-вал сорилби, Будэрӣмэ биргэндēлби ōда! Ӈӣ нонон буикэксэ̄ * арчā Буды̄ ургэвэ̄н сāдян! Сигӯн һэрэдӯн, тукала оёдӯн 880 Будэрйдук ургэ ēкун биден! Эр ӈӣ тыкэ̄н будерэн, Мундерэн гуннэл Ӈӣ-вэл долдымӯрӣ биһикин, Дулин буга бōюнин Сō бэе Сōдāнй мāтā биӈнэм. Йр, ēкун ōданды гунэксун, һэргӯ буга авāһин атамāнин Дыгин кирйлкāн Сэлэмэ Девиндэр гунмурӣ 890 Огēӈā омолгин Ӣлтэнды̄ туксугучйн албаһитпй, Суптырй туксугучйн кувулгатитпӣ Минэ улōкӣрэн, давдыран. Э̄дук-тэ̄, ӈӣ эмэксэ̄, Минэвэ эрйксэвэв эруһуйден?