Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Дагава-да куһйнэвэр эчэл сāра. Нуӈартын биһэмдэ Тугэрвэ̄н имандадин сāра, Нэлкирвэ̄н лэ̄птэ̄ркэ̄ндин сāра, Дюгарвāн тыгдэдин сāра, Болорвōн ббктадин сāра. Де тарит нуӈартын ōлдылнатын Тугурук анӈанӣ ōдан. 810 Тар усталкāн тбрадӯн Э̄нэл тэгэһинэ-илиһинэ Ōлдыдярдактара эр мāтāл. Де тар амардукин Бӣ ичэрэкив, чāгу бэе һэргӯ огēӈā бого омолгин Суптырй туксугучйн кувулгатпй ӣвчэ̄, Йлтэнды̄ туксугучйн албаспй дявачā — Ӣлӣ-дэ бэе коӈнорйн улдэ Колтотпӣ эһӣн тэптырэ 820 Сэлэмэ куняккӣ һэкӯлгӣнэн Тогодӯ далгавчāгачйн һэкӯлчэ̄. Тара биһэллдэ мит бэеӈит Ōкин-дā албаспа- 1 сувулгатпа Э̄чӣн идэтэрэ эдэр мāтā ōксā, Авāһи албаслāн илэ мэ̄ндивӣ Ӣксэ̄ бӯрэн ивит. Де эмӈэ кэӈтырэ̄н тыēлдэн, Ӈонум дялин урумӯлдэн, Тогочй ēһалин һактыралда, 830 Сбниӈ сумулин сӯнилда, Буксэ дяланин мултēлдэн, Улдэн сāһин нйвулдэн, Улōр улдэн сукчавулдан, Увагас сэ̄ксэн уӈкулбулдэн, Дырам нандан тэкэ̄мулдэн, Ӈэ̄рйһй инэӈйӈин сӣвулдэн, Будэрй бого боконон, Соӈомӯрӣ сорун ōдан, Болгонōрй бого бӯлāран. 840 Э̄һиткэ̄н эмэксэ̄ эрйксэвэ̄н Оруһуйды̄ ӈӣ-кэт āчинмāн дёнан, Тадук дялин һāвупна тыктэн, Эр-дэ̄т будэрйӈин боконон, Кāрēн тыргӯр дылачā тогон Нуӈандукин горолдон, Сбма городр сурурун. Де мит бэеӈит сō бэе Сбдāнӣ мāтā Он-дā некэксэ̄ эр Адярай огēӈāн эмӈэ амӈадукин