Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Ева-да эһи некэрэ — Йлэн атыркāн ню̄ливунӈэчйнин Эһйгэр гэкйлӣ һэмкэрэ, Тарилва биһэмдэ амаскӣ гаратта. Илан тогор деелкэ̄н Унигдама гидалвар 760 һимāмйя̄т чāварӣлдыра, Тариӈитпар дэ̄пты̄лдырэ. Коӈнарйн һāкимат гуннэл Абатыйнал-абатыйнал, Бāлдырӣмадӯ дялдāксāл, Гидалдивар тыкивмэ̄чилдэ, Тариӈитын ӯс этыркэ̄н Ет котон дугэ̄гэчӣнин Токчокомо ōнаватын һорōрбор оёлйтын уһэгэттэ. 770 Тар амардукин Тунӈа дя̄н бӯтылкāн Дёломо мэ̄чикилдивэр Ускйтāна гаратмāтнал Ōнйкāрвар ōлдылда. Тарā-дā аһӯчара-кат эчэл — Илан инэӈйлэ̄ энэл иһивра Оролōс нйкй умуктавāнӈачйн Элӣ-талӣ услӣрэ. „Кэ, эвэды̄т-тэ̄ бигин!“ — гуниксэ̄л, 780 Илэ мэ̄рдивэр тыкилдырэ. Дя̄н делэкйвэ ӯскйтāна дявавчāгачйн Катапчума чараткӣлдивар Кавсагаит чāварӣмāчилда, Кою̄ улдэ колтолдивар Сēмадӯвар иктэлдынэл ӣлдылдэ, Ирэ̄ктэлвэ илӯһинэ, Аһикталва анӯктара, Ня̄ликин мōва нялбурагар, Бучӯкин мōва буктарагар 790 Иедэ̄ктэмэ̄тнэ куһӣдерэ. Томтор дӯндэвэ тонӈорогор тӯрэ, Оӈкучак дӯндэвэ омчорогор тӯрэ, Урэлбэ бимй һэ̄кйрэ, Кочолбо бимй кāһиӈмара, Маӈа дӯндэвэ һэнӈэклйвэр олōро, Дую дӯндэвэ дугукӣклӣвэр тыпāра, Маӈанда дӯндэвэ бадарāӈда, Бадарāн дӯндэвэ һалгардивал уркӯра. Тадук биһэмдэ 800 Эр мāтāл биһэмдэ Горово-до куһйнэвэр эчэл сāра,