Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Коӈнорйн һāкинды дулмадӯн Нюрбй катāдялим! ӯлгӯр урумкӯн, 710 Э̄мэнэс удяс эмӈэ! Авгӯва сӣнмачинды: ӯһикинми-гӯ дявачинды? Инэӈйдук-кӯ мӣчинды! Тарā мэ̄нды сӣнмакал! Миндук эӈэт коргутта бимй, Э̄р лукйвэ гакал! Гирō-гирō гирōкāнин!» — Гуниттэн эр мит бэеӈит Сō бэе Сōдāнӣ биһэмдэ. 720 Тар амардукин Де ēдягин-кат гуннэ Авāһиндя̄ атамāнин Коӈнорӣкāн һāкинин Дулмамадӯн гуннэ Алаӈāвй āӈāран-да, Нуӈан биксэ̄, удадиӈāн дō — Тар-дāт бэрин йгин Няӈнямалā доргуйдан, Дӯндэлэ̄ ниргийдэн 730 Ивит ню̄рин биһэмдэ. Авāһи омолгин адагаксōран, Тар адагадяракин Сэлэмэ кунякин һумнэ̄вэ̄н Тавдурагар ню̄р эмэксэ̄ йлтэнэн. Тар амардукин Авāһи омолгин адагаксōран. Мит бэеӈит биһэмдэ коӈнорйн һāкинин дулмавāн гарпаран. Тар-дā бичэ̄лӣн 740 Мит бэеӈит эмэдерӣ ню̄рдук Иркимэктэ иркин бэю̄нӈэчӣн Ня̄н адагаксōран ивит. Де тар амардукин Дю̄р сōӈку сумут мāтā биксэ̄л, Илитчиӈāтын-ӈӯ эһилэ: Надан дя̄н ōһилкэ̄н ӯткэ̄ндивэр дэ̄пты̄лдырэ, Де эр дэрэт-ēһат Гуннэл энэл одёлдыра 750 Һорōн-һорōндуккар һэргискӣ Дюлāкин дюлаймавар Тыкивмэ̄тнэл ōлдылдякāтта. Тар-дā уткэ̄ртын