Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Дю̄р чавургайдукин 660 Дя̄н сēрэ того дя̄нӯһинчаран, Дя̄н чараткйдукин Буюксу сэ̄ксэ чикнйһинчэрэн, Тыкӯлнан сōдӯн Умун тогор угискӣ угириврэн, Дыгин ӈāла дырамулдан, Игим сэ̄ксэн ēһалдулāн истан, Ōрдāк сэ̄ксэн олукмалāн эмэрэн, Ниравӣ сэ̄ксэн мēвандулāн иктэрэн, Бардам сэ̄ксэн бэ̄лгэлдулэ̄н тыктэн, 670 Уһук сэ̄ксэн урдӯн дялуптан, Тэтты̄ тэты̄н элй-талӣ Аран эчэ тэкэ̄мдэ. Тар некэксэ̄, аһӯн-дā эчэ биһи — Дю̄р дяпкун алаӈавй гаксā, Нуӈандӯн чāгӯ сēмāктӯвй Тāнӣна-тāнӣна, иткӯнāна-иткӯнāна Тыкэн гуннэ тӯрэ̄лкэ̄н Одяран ивит нуӈан: «Гирō-гирō гирбкāнин! 680 Э̄р-кэ эр-кэ ичэкэл, һэргӯ буга авāһин атамāнин Дыгин кирйлкāн Сэлэмэ Девиндэ̄р сōниӈ, Дōмдӯн дорōво бигин, Амаргӯптын ēман улгӯр ōгин! Э̄р минэвэ Йргйт тэкэлкэ̄н-сэ̄ксэлкэ̄н Мāтā ōданды гунэкис, Дулин айн эвэнкӣн биӈнэм, Сō бэе Сбдāнй мāтā 690 Гунмурй гэрбйлкэ̄н биӈнэм. Тадук бдакин Э̄р-кэ сй йр бугадӯ авāһи, Аймӈӯ аһāткāнма аһӣлаксā, Аһӯн алаһа дю̄ва тāниксā, Того эһэкэ̄вэ илаксā, һутэвэ балдывуксā, Авдӯва иргиксэ̄, Нимэ̄р ōна ниргийнэ Бэе бинйвэ̄н бинэвэ̄н ичэксэ, 700 Тавар улōкмо улгӯрит Минэвэ бакаличинды? Де сэрэнкэл-сэрбэнкэл — Сэп сурурун! Сō бэевэ энэ сāвкāна Ая бэевэ энэ мэтэврэ Тэптырэн гунденды!