Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Сōди-сōди тургэнди Утэ̄кэ̄нми дбдукин Нэкун гунды̄ нэкунмй Ювмэлчэкэл миндулэ̄! Тар амардукин Дю̄крэ дорōвоё дявакалду, Амаргӯптын улгӯр бӈнāн! Де эр минэвэ Иргӣт тэкэлкэ̄н-сэ̄ксэлкэ̄н 620 Мāтā ōданды гунэксун, һэргӯ егин бйстӯн ōскēчэ̄ Тукала Маӈй этыркэ̄н Омолгин дыгин кирйлкāн Сэлэмэ Девиндэ̄р сōниӈ гунмурӣ һэргӯ буга атамāнин Авāһи омолгин биӈнэм. Ēкун нāда ōксā Дулин тукала бугалā Тӯмнэ̄илкэ̄н ōданды гунэкис, 630 Э̄р сӣ сōниӈ ай эвэнкӣ бэеню̄н Иркин бэю̄н иегэчйнин Дёрэлэснэ балдычā Нэкун гунды̄ нэкунмэс Ая аһй Ая̄кчāн Ивēкчāн Гунмурӣ-гӯ киливлӣва Умучйдуккй улдымӈӯевӣ, Дю̄чӣдуккӣ дю̄вчамӈӯявӣ, Илачӣдуккй анал аһӣявӣ Гады̄мадӯ ганāдя 640 Илэ-бодо мэ̄нми Мэ̄лкэ̄н мэндивй эмэм тавар. Ая-гӯ эет бӯчинды, Уһа-гӯ эет бӯчинды? Бӯрэкис-дэ̄ гачим, Эһикис-дэ̄ гачим! Сот тургэнди дялвӣ сāвкāкал! Миндӯ-вэһйн авгӯн-дā умун, Ката мэ̄ндис сивāйбаӈдиӈāв, Ката эр-тар энэ ōра 650 Нэкун гунды̄ нэкунмй Буга бэю̄нӈэчйнин симэ̄кэл, Сэвэкӣ оронмбнӈочӣн тэтувкэл, Сбӈку бэедӯ сō аят дявавкāкал! Һа-һа-һак!» — гуннэ, Лмӈандя̄вӣ āӈāннāран. Де тарбāва дōлдычā Сō бэе Сōдāнӣ мāтā, Сōӈку бэе бидеден эһилэ: