Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Тыгдэ бою сōӈин бдан, Агды̄ бого, чагилган, Талину бого бдан. Де мит бэеӈит Сō бэе Сōдāнй мāтā Де дōдуккӣ элдэн тэһийдэ, Дюлэ̄кӣвэ дю̄р дяпкун ōвāтылкāн алаӈавй 570 Аӈāннāна-тāнйвāтна бэлэкэдерэн ивит. Де эр-дэ̄ эмэдерӣ туксу Эчэ горово удаӈутта — Тар-дāт тыгдэтэй-агды̄тай һӣмāмия̄т ӣлтэмэлчэрэн. Тар амардукин Арай дылачā тоговōн липкирӣ Илан дыличй уксукиндē * Дэгнэ дэвдылэ̄нчэнэ эмэрэн. Де эр бэе Сōдāнӣ мāтā 580 Еватадӯн * илитты̄ Илан лавāлкāн Āл кудӯк мбндя̄дӯ Илан лавāвāн умундӯ камуиһиниксā, Тар оёдӯн дōксā, Зртыкй-тартыкй ловик-ловик мунӣллӯрэн, Килэп-калип ичэһиӈнэрэн. Саксак-саксак гивэнэрэн. Тар амардукин Чāгӯ эмэ̄ мāтā 590 Мит бэеӈит дюлэдӯн Илэ мэ̄нӣн ōксā тыктэн, Тыкэ̄н гуннэ тӯрэ̄нин тулдӯмнэ, Улгӯрин уӈкулбунэ Дэ бэе гундэ йргйт-дэ̄ Дю̄лин эһӣ сāвра Адясма адяраин ōдан. Де нуӈан тӯрэ̄нмэ̄н арай Долчӯрйлāвӣ-ню̄н иһирдага. Де тыкэ̄н гуннэ тариӈин биһэлддэ 600 Адяс эчэ̄лӣн ситана Сэһэлкэ̄н ōдан, Улбк-дб бичэ̄лйн Улгӯрилкэ̄н ōдан, Ēмаӣ-да бичэ̄лӣн Икэ̄лкэ̄н ōдан: «Киӈир-киӈир киӈирдэ̄нин! Э̄рэ̄вэ-ню̄н эрэ̄ Ичэкэл-ичэкэл! Дулин ай букаты̄рин 610 Со бэе Сōдāнӣ мāтā,