Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Тогон кургирйн мултēрэн, Тыкӯлнан сэ̄ксэн тӯктан. Тар амардукин « Ē, тэдемэ, умун нэкунмӣ умундин Ēдā-ӈāн соӈовчодём», — гуннэ, 520 Мэ̄нин мэ̄нмй сэмэлэ̄рэн. Тар амардукин Нэкунин мэӈун мӯлкэ̄н ēһан мӯн һэргискӣ эēннэ тыкнэвэ̄н, һанӈатпй аракӯн булиһинэн. «Кэ, нэкӯ, тэдевэ гунэкис, Эһим суруру, экэл соӈоро. Инэӈмэ̄н синню̄н инэчим. Де тавар тӯрэ̄нды улōк ōдакин Тэдемэ этэ̄п ситана — 530 Мэ̄ндуккй коргутчиӈāс!» — Тыкэ̄н гуниксэ̄, эр сō бэе Сōдāнӣ мāтā биһэмдэ Нэкунмӣ чӯлāндулāн уӈрэн. Мэ̄нин сōӈку бэе биксэ̄кэ̄н Сугун ēдā бидиӈэ̄н — Эмӈэ лāйдаӈлāвй эврэн, Кӯрбэ иӈāндя̄лди мэ̄чиккэ̄тнэ эвӣрэн. Э̄р-тар урэлдӯ ирэ̄ктэлвэ Ниӈтэтэй-нэлгэтэй нэптэлмӣгдэ тāниксā, 540 Тэлгэһэлэ̄вй иннэ эмувуксэ̄, Симӈӯлэ̄нмэ иливкāтна эвӣрэн. Тариӈлāн биһэмдэ аксāман эһй сāвра орон Симӯтнэ̄де эмэдевкй ōда ивит. Тар амардукин Аһӯна бидиӈэ̄н ōвчā ōнӣ, Ананчā аилга бирдэгэ — Ур һунāт гуннэгэчйнин Дылачā элэкэс дэгдэдерэкин Эргйт-таргӣт эдын-эдын иктэлдэн, 550 Э̄ргйт-таргйт багдарир туксул барāлда, Коӈнорир туксул коюна, һуларйр туксул һуктырэ. Тар туксул дурук ӯгӯ кумтӯр няӈня оёлōн Дурук умундӯ кӯгунāнал Гукчаннал туктырэ, Дылачāва йлй-кэт умнэ̄т Э̄һйдин ичэврэ липкирэ. Де тавар амардукин — 560 Нимӈāкāндӯ эвкй удара, Дурукин һӣмāт ōвувкӣ — Э̄дын бого эӈэһйӈин ōдан,