Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Дю̄р мэӈукэ̄р мӯл, Мол-мол * тыкнэл-тыкнэл, Акинмй никинмадукин эӈэһӣт кумнэрэн, 470 Тыкэн гуннэ тӯрэ̄лкэ̄н бдан: «Дэвэ̄-дэвэ̄ дэвэ̄нин! Акин гунды̄ акинми, Сōма бэе Сōдāнй мāтā, Токтōкол-болгойкол! Бӣ синдӯ ōн улōкитчиӈэ̄в, Бӣ улōкитнэв ӣлэ̄ исчиӈāн, Гуннэ тыкэ̄н тыкӯлдянды? Кэ, тэде тыкэ̄н эмӣ тэдēрэ, Инэӈ дулинмāктӯн сāтар этэвкэл. 480 Āчиндӯс бй эр-тар ōракив, Минэ энэвӣ дōлдыра Мэ̄нды кэмсиндиӈэ̄с. Итык тӯрэ̄нмэв илинкал, Мэӈун тӯрэ̄нмэв дōлдыкал! Э̄мй дōлдыра Тар мэ̄ндӯс сō комолто ōдиӈāн. Сāтар мэ̄нды ичэтчэрэкис, Ōн-дā ōнав һулэкэ Миндӯ-дэ̄, синдӯ-дэ̄. 490 Акинми-ню̄н бими Минэ экэл эмэ̄нэ. Дю̄р мэ̄ндуккэр Эмнӣн сāлдыра һуетты̄т Дялдāрйдӯ-дā эрӯ бидиӈэ̄н, Мэнды-дэ дялдус этэн ая бидиӈэн, Ōн улōкит улгӯрдэн, гуннэ, Тыкэ̄н тыкӯлинды? Бй тӯрэ̄нмэв тэде улōккōн Илэ мэ̄ндивй сāксā тыкӯлдāвй! 500 Ката бэевй бэекэкэл, Аһӯн бичэ̄с, ичэвкэ̄кэл!» — Гуниттэн эр ая аһӣ Ая̄кчāн Ивēкчāн киливлй. Де акинин дулин буга бōюнин Сō бэе Сōдāнӣ мāтā биһэмдэ Ая аһӣ Ая̄кчāн Ивēкчāнма Аят уйдēнэ ичэнэн, Тэдемэ-дэ̄ ӈэ̄рӣһӣ ирāс сэ̄ксэн сйвримэдин Ая̄ ӈэ̄рӣһӣ ирэндэн мултēрӣдин 510 Дōдуккӣ мэргэ̄чэ̄гэчӣн ōчā ивит. Тарā ичэксэ̄, сō бэе Сōдāнӣ мāтā Гунмурй бэеӈку бэе биһэмдэ Нэкунмӣ син мулāнан бадага — Мэнин-дэ̄ тоголкōн ēһан