Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Уткэ̄нмй ӈāлиһинан-дā Илан-дыгин саһāнӈйлди гиранӣлдякāттан. Де эр ӈэнэһиндерэкин Тыкэ̄н гуннэ тӯрэ̄н-улгӯр дблдывран. Арай тарā долдынан Дю̄ткӣн мэ̄нин нэкунин Ая аһй Ая̄кчāн Ивēкчāн, Дōгӯгда тэты̄тпӣ ю̄ксэ̄, > Акин гунды̄ акинмӣ бодоптыкӣ, 380 Дуяк-дуяк гиранйна-гиранӣна, Сōмат мэргэ̄рӣ тӯрэ̄ндиви Тыкэ̄н гуннэ тӯрэ̄лкэ̄н Ōна-ōна илитчачāн: «Дэвэ̄-дэвэ̄ дэ̄вэ̄нин! Дулин энин бугадӯ Иркин бэю̄н дю̄р иегэчйнин Дёрэлэснэ балдынав Акин гунды̄ акинми, Дулин буга бою̄нин 390 Сō бэе Сōдāнй мāтэ̄ Токтōкол-болгойкол! Бӣ тӯрэ̄нмэ̄в Иргэлэ̄вй иктэвкэл, Дōлāвӣ дōлдыкал, Сёндӯвй силдыкал! Бй ӯр долбо Толкинма толкичим, Битпэ битгэним! Ӈэ̄лэвсē-вэл биргэв! 400 Тар ēкун гунэкис, Дылачā ю̄птугйдин, Дылачā элэкэс дэгдэдерэкин, Конӈорйн туксу Дылачāва липкирэн. Тар амардукин Аһӯна-дД энэ биһи Бӣ балдыксā толкиндӯ-дā эчэв ичэрэ, Сураккāн-дā энэв дōлдыра, Умкактачй аһикта һанянӈачинин 410 Ēкунмадӯ-дā коловурмая āчин Иртыкӣ-дэ̄ дэрэн гундэ Дю̄гӯн эһй сāвра — Арай бӣ ичэрэкив Умун сэлэмэндē һалгалкāн, Тыӈэнмй дулиндукин умун ӈалалкан, һэ̄ēвй дулиндӯн умун ēһалкāн, Гэдумуккӣ дулиндӯн умун сēлкāн — Екун гӯкӣчитын биркэ бōлла?