Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Дю̄р һалгалкāн, Булдинтырй мӯ дялалкāн, Э̄ēнмэ̄тты̄ энин омйлкāн Э̄вэнкй-урāӈкай ōн-ка Э̄вкй бакалнāра», — гуннэ Сōт аӈадярāпчā Элэ тӯрэндивӣ тӯрэттэн. 330 Тадӯ биһэмдэ ая аһӣ Ая̄кчāн Ивēкчāн биһэмдэ, Акинмӣ мӯты̄дерй нямӯкāн Муриткāнӈачйн унāрис ичэһиниксэ̄, гуниттэн: «Багар мит гэрбӣт гэйэнэкин, Суракит сурурукин Екуя̄л-дā аӈнакӣл эмэдиӈэ̄тын, Тадӯ сӣ сōт экэл эēттэ», — гуниксэ̄, Аһивун дю̄кāндулāвӣ йрэн-дэ̄ āһиксōран. Тар амардукин 340 Э̄р сō бэе Сōдāнӣ биһэмдэ Ня̄н нондоксо сэктэвунмй сэктэврэн, Некэ̄ксэ тырӯвӣ нэ̄рэн, Сулакӣкса сулдатпй һулдавран-дā āһинан. Тар амардукин Тар долбо эр бэе Аят эчэ āһина — Э̄рэ̄-тарā барāнма дялдāран, Нуӈан дялин горолдулӣ гиркуран. Де эр сō бэе Сōдāнӣ мāтā, 350 Бэеӈку бэе нуӈан биксэ̄кэ̄н, һуглэ̄деӈэ̄т бэе-дэ̄ бидиӈэ̄н-дō — Тар-дāт илмалчаран, Бэю̄ктэвун тэты̄лвӣ тэттэн, Элй-талй тымар девгэ̄вӣ дептэн, Илдан-дā ды̄гидэ̄дуккӣ алаӈавӣ чāварӣһинан-дā Тулискӣ ю̄мэлчэрэн. Э̄ртыкй-тартыкй адӯлāран: Сб аяя эчэ ичэрэ, Аяя āчин инэӈй 360 Бидиӈэ̄с бōллага, гуннэ, Мэ̄нин дōдӯвӣ сумкэ̄тнэ Мэ̄нню̄нмӣ улгучэ̄мэ̄ттэн. Тар амардукин Илан дя̄н тогорилкāн Мэӈумэ киӈлэ̄вӣ тэттэн, Ирэ̄ктэ калтакадьшин Догōвай мō тыевунмӣ чāварӣһинан, Илан тогор деелкэ̄н Унигдама гидавӣ гаран, 370 Надан дя̄р тогор деелкэ̄н ōһилкэ̄н