Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Эр дыгин нулгилкэ̄н тогурумчэлкэ̄н Нюӈун мōлкāн курēлэ̄ Ōкин нāда ōмӣ Умнэ̄-дю̄рэ̄ эӈтэвкэ̄һинэн-дэ̄ Дһӯн биһӣн дурукман 280 Дялум йһинчэрйн курён ōдан. Де тадук-та һуӈту бэе дяванӈан Дурукин-дā дэлэгэй нимэ̄һэлин Одяра эр айткāр эвэнкйл биһэмдэ. Де нуӈартын биһэмдэ Горово-дō бинэвэр эчэл сāра, Дагава-дā бинэвэр эчэл сāра. Барāн анӈанй аланиксā йлтэнэн, Долбонӣ-инэӈй эмэксэ̄ йлтэнэн, Аһӯн-дā йлтэннэвэ̄н мэ̄ртын-дэ̄ эчэл сāра. 290 Дю̄крэ де дялартын дякнаддан, Улдэлтыт сāһин дипкилдэн *. Эр акиндагӯ мāтā гуниттэн: «Эр-кэ мит ōн дю̄крэкэ̄н Бутун дулин энин бугадӯ Балдычāт бидиӈэ̄н?» — Гуннэ нэкундуккй улгумйвкй. Нэкунин биһэлддэ тадӯ гунивкӣ: „Нонон балдычā бэе сӣ Мэ̄нды сāмчас, бӣ 300 Синдук улгумйдеӈэ̄в гунчэчэ̄в, Сӣ миндук улгумӣнды.» Кэ, тарлаһа мит ӯгӯ Бугадук балдычāл биһикит, һорōндӯт саӈӣкса бидиӈэ̄н гуниксэ̄, Аһакāргӯ һорōнмӣ һанӈатпӣ Тэмйһиниттэн — ēкун-кат āчин биттэн. һэргӯ бугадук ю̄чэ̄л биһикит, һэӈэ̄рит дулиндӯн тукалакāн Бидиӈэ̄н гуннэл һэӈэ̄рбӣ тэмйһиниттэн-дэ̄ 310 Екун-дā āчин биттэн. Де тарит нуӈан акинтыкйвй Гуниттэн: «Мит мэ̄рты эр Дулин энин бугавар Мӯчй мōлкāн сумэчй Чӯканю̄нин уркӯвнал Балдынат тэде ōдан», — гуниттэн. Акинин сō бэе Сōдāнй мāтā Сōӈку бэе биһэлддэ: «Кэ, тар биһикин 320 Эр миттулэ̄ ир-вэл бугадук Эр минӈэчйн эрчимулкэн Сōниӈ сумулкōн