Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Дюлāкин дэрэлкэ̄н, Дялкинтыма мӯ дялалкāн, Э̄ēнэ̄мэ энӣн омйлкāн, Боско дылилкāн Урāӈкай эвэнкй гунмурй итчилкэ̄н Бимчэ бичэ̄н гуннэ Аят элй-талй пэрӣнэ уйдēнэ ичэмӣ — 90 Э̄р дулин буга дулйāлйн Дылачā ю̄ктэткӣн дэрэ̄лкэ̄н, Дылачā йктэткйн дāптулкāн Э̄ēнэ̄ бира ӈэкэн оёдӯн Амē нюӈнякй оӈоктовōн Коӈдōлйксā, тэгэптыкӣ тырэвчэ̄гэчӣн Кирагӣнӈачйн томтор оёдӯн Умун ӯтэ̄н ōвчā ивит. Эр ӯтэ̄нмэ ōн ōвчā гунмй, Тулгидэ̄дӯн дыгин мōлкāн 100 Дыгин нулгилкэ̄н Курēндē биһин ивит. Э̄р ӯтэ̄н дōдӯн биһэлддэ Бутун лāйда калтакады̄нин Колумталкāн ивит. Тар малӯдӯн Дыгин һалгалкāн, дыгин кирйлкāн Чāлбāн мōдук ōвчā остōлиндя̄ биһин ивит. Тарā эрэ̄лӣ ōкин-да эһӣ бучувра Чӯтурӣн мучиктэлкэ̄н ирэ̄ктэ мō 110 Сэктэдин сэгивчэ̄ сэвдēнӣһй Сэктэлкэ̄н һарāлкāн ивит. Э̄р колумтанин дагадӯн Надан дя̄н надан бӯтылкāн Симтӯндēчй ивит. Тунӈа дя̄н бӯтылкāн Токтовун сукэлкэ̄н ивит. Тогор деелкэ̄н котолкōн ивит. Э̄р ӯтэ̄н дю̄ умун муннуктӯн Дю̄р дяпкун ōвāтылкāн 120 Иемэ алаӈа биһин ивит, Тар мāтā надан бӯтылкāн Сэлэмэ лукӣлкэ̄н ивит, Дяпкун бӯтылкāн тōлбукалкāн ивит, Бутаһикма эӈэһй илбис того элгулкэ̄н ивит. Тар дагадӯн надан дя̄р ӈонумулкāн Ōһилкэн уткэ̄ндē биһин ивит, Тарню̄н умундӯ илан тогорилкāн деелкэ̄н Унигдама гидамия̄ биһин ивит, Тунӈа дя̄нӈй бӯтылкāн 130 Тэвэ̄һивун дёломо мэ̄чик биһин ивит.