Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Дягдаткāн мб дявалдына балдычā, Чāлбāн мō чāварйтмāтна балдычā, Сириг мō сирбалилдына балдычā, Сēкта мō сӣйилдына балдычā, Нйвэ̄ктэ мō нивгунмāтна балдычā, 40 Дулгиктэ мō дэ̄чэлдынэ балдычā. Дю̄р дялалкāн чӯт чӯка дявалдымнйн балдычā, Илан дялалкāн бӯксэ чӯт чӯка дяларбумнйн балдычā, Дигин дялалкāн чӯт чӯка дэ̄чэлдынэ балдычā, Тунӈа дялалкāн һуларйн чӯка тагалдына балдычā, Нюӈун дялалкāн нēмда чӯка нялбурагар балдычā, Надан дялалкāн, нōлур чӯка нонолдына балдычā, Дяпкун дялалкāн манчāри чӯка дявалдымнйн балдычā Ēдук-тā ая дулин Э̄нин буган ōдан. 50 Э̄һилэ тарā биһэлддэ Э̄рбэ̄ ая эмӈэ Дулин тукала энин буга биксэ̄ Ēкун бэйӈэ̄чӣ ивит гуннэ Аямат ичэмӣ биһэлддэ Улгэнмунэ балдычā урэлбэ̄н дялум Улукй бэйӈэ̄ аксāнин Аһӯнмāн ēкун сāдян, Биракāрин дялум дыгин һалгалкāн Э̄р-тар бэйӈэ̄н эймэ̄кēмэ ōдан. 60 Дегдэ̄ндэ һэ̄нилдӯн эһэ бэйӈэ̄н Пэлпэ̄кēмэ ōдан. Антага урэлдӯн анам токин Арбакēма ōдан. Ирэ̄гил урэлдӯ ирӯн бэюӈин Э̄ӈэнймэ кэтэлдэн ивит. Сēктāг муданӈалдӯн мундукан бэйӈэ Мэнэ̄кмэ балдычā, Сигйл урэлдӯн сулакӣ бэйӈэ Сōмат кэтэлнэн буган ōдан. 70 Яӈилин тэкэндӯн, урэлин дяпкадун Дурукин дянтакй бэйӈэ̄н Дептыгиннэ балдынан бутан ивит. Э̄р-тар горол бугал гонӣтын дуруктун Нондо бэйӈэ̄н норēкēма ивит. Дя̄ӈил дёлӣгилдӯн дёлог бэйӈэ̄н Дю̄гӯе āчин барāн буган ōдан. Кирӣ бугалдӯ Кирса гунмуврй бэйӈэ̄н Килбāкēма ивит. 80 Де эрбэ̄ ая Дулин энин буга Ēкун дю̄р һалгалкāн,